అనుపల్లవి

ఇళయరాజాకు కీరవాణి అంటేనే ఎందుకో అంత ఇష్టం..కొన్ని సంగీత కబుర్లు.

2011-11-25T05:07:00.000-08:00

శ్రీరామ రాజ్యం చిత్రంలోని ఈ పాట further proof of that.

పంచభూతాలు అచ్చ తెలుగులో నింగి,నేల,నీరు,నిప్పు, గాలి (ఈ ఒక్క పదం నకారంతో దొరికితే బాగుంటుంది). గాలి నింగి నీరు, నేల నిప్పు మీరు. పాట బాగుంది. ఎన్ని పాటలు కీరవాణిలో స్వరపరిచాడో ఇళయరాజా.

జగదానందకారక పాట చాలా బాగుంది.(శుద్ధ ధన్యాసి). పాట సాహిత్యం,బాణీ, సంగీతం, చిత్రీకరణ ఉత్కృష్టంగా ఉన్నాయి. బాలు చక్కగా పాడితే. శ్రేయ గోశాల్ క్రూనింది.

అలాగే వసంత రాగంలోని శ్రీరామ లేరా పాటను కూడా ఇద్దరూ (రాము, శ్రేయ) స్పష్టతలేకుండా గొణిగేశారు.

ఈ చిత్రంలో నాకు ముఖ్యంగా జొన్నవిత్తుల సాహిత్యం బాగా నచ్చింది. ఆత్రేయలా, సినారెలా వ్రాశాడు ఆయన. వేటూరిలా వింత పోకడలు పోకుండా, సిరివెన్నెలలా నారికేళపాకాలు కాకుండా బాగున్నాయి. (వేటూరి, సిరివెన్నెల కు నేను కూడా అభిమానినే కానీ.. వేటూరి చక్రవర్తి కలిపి వండి వార్చిన కుంభీపాకాలు చప్పున గుర్తుకు వస్తాయి.)

కానీ కీరవాణికి కీరవాణి అంటే పెద్దగా నచ్చదేమో. నే విన్నంతలో వెతికితే ఈ ఒక్క పాటే దొరికింది. ఎవరైనా చూసుంటారా నడిచే నక్షత్రాన్ని.(అనుకోకుండా ఒక రోజు). పాట ఎత్తుగడ, సాహిత్యం బాగుంది (సిరివెన్నెల) స్మిత చక్కగా పాడింది. song would have been better if it were a tad slow paced.తన voice culture బాగుంటుంది. కానీ ఎందుకో తను సినిమాలలో పాడదు.

తెలుగు లో 10 అత్యుత్తమ సంగీతభరిత చిత్రాల జాబితా--నా దృష్టిలో

2011-11-02T06:07:00.000-07:00

తెలుగు లో 10 అత్యుత్తమ సంగీతభరిత చిత్రాల జాబితా కూర్చాలి అనిపించింది. (పదే ఎందుకు అంటే ప్రత్యేకంగా ఏమీ లేదు).
ఈ జాబితా తయారు చేయటంలో నేను పరిగణన లోకి తీసుకున్న అంశాలు 1) ఎక్కువ శాతం పాటలు మాధుర్యంతో నిండి ఉండాలి 2) సాహిత్యం అర్థవంతంగా కుదరాలి 3) గాయనీ గాయకుల అద్భుత గానం 4) ఎంతకాలం గడచినా ఇంకా వినాలి అనిపించాలి.

కొన్నేళ్ళ క్రితమైతే ఈ జాబితా వేరుగా ఉండేది. ఇప్పుడు బేరీజు వేయటం లో కొంత పరిపక్వత వచ్చిందని (really?) అనుకుంటున్నాను.

1) లవకుశ : ఘంటసాల సంగీతం సమకూర్చిన ఈ చిత్రానికి అగ్ర తాంబూలం. ఎవ్వరూ ఎన్నటికీ అధిగమించలేని divine music. లీల,పి సుశీల, ఘంటసాల గార్ల సంగీత యాత్రకు పరమపదం గా చెప్పవచ్చు. ఈ సంగీతం న భూతో న భవిష్యతి

2) మల్లీశ్వరి : ఈ చిత్రంలోని పాటలు ఇప్పుడు కొద్దిగా jaded గా అనిపించవచ్చు. కానీ puritan ల దృష్టిలో ఇవి అజరామరమైన పాటలు. దేవులపల్లి, రాజేశ్వరరావు,ఘంటసాల, భానుమతి గారు. "ఊరు చేరాలి", మనసున మల్లెల మాలలూగెనే, ఆకాశవీధిలో.. పాటలు ఎన్నటికీ మరువలేము. దేవులపల్లి సంస్కృతంలో పండితులై ఉండి అచ్చతెనుగులో వ్రాయటం గొప్పవిషయం.

3) మాయాబజార్: అన్నిపాటలు ఆణి ముత్యాలే. రాజేశ్వరరావు, ఘంటసాల స్వరరచన. నాకు ప్రత్యేకించి ’చూపులు కలసిన శుభవేళ’ పాట చాలా ఇష్టం. అలాగే లాహిరిలాహిరి, వివాహ భోజనంబు అన్నీ super duper hits.

4) గుండమ్మకథ: చిత్రంలోని అన్ని పాటలు haunting మెలొడీలే. ఎప్పటికీ నిలిచిఉండే జనరంజకమైన బాణీలను కట్టడంలో ఘంటసాల గారికి అగ్రాసనం. my favourite : కనులు తెరచినా నీవాయె.

5)అక్బర్ సలీం అనార్కలి: ఈ చిత్రం ఒక గొప్ప musical అని నా అభిప్రాయం. సినారె సాహిత్యం, సుశీల, రఫి గానం, సి రామచన్ద్ర సంగీతం అన్నీ అద్భుతంగా కుదిరాయి. తానే మేలి ముసుగుతీసి ఒక జవ్వని, తారలెంతగా మెరిసేనో, రేయి ఆగిపోని, సిపాయీ సిపాయీ.. ఎంత గొప్ప పాటలవి.

6) అన్నమయ్య : నేదునూరి గారు, మల్లిక్, రాళ్ళపల్లి గారు, బాలకృష్ణప్రసాద్ వంటి పండితులు కట్టిన బాణీలనే అన్నమయ్య చిత్రంలో దాదాపుగా వాడినా అవి ఎన్నటికీ వాడిపోని పూలలాంటివి గనుక శాశ్వతంగా నిలిచిపోయాయి. pick of the album : అంతర్యామి పాట.

7) మేఘసందేశం: దాసరి నారాయణరావు తీసిన అత్యుత్తమ చిత్రం ఇదే. నాగేశ్వరరావు గారు, జయప్రద, జయసుధ, జగ్గయ్య.. అందరూ దిగ్గజాలే. రమేశ్ నాయుడు సంగీతం. తెలుగుదనం ఉట్టిపడే లలిత సంగీతం. మాధురీ లహరి. ఆకులో ఆకునై,పాడనా వాణి కళ్యాణిగా, సిగలో అవి విరులో, ముందు తెలిసెనా ప్రభూ, నిన్నటిదాకా శిలనైనా, ప్రియే చారుశీలే, శీత వేళ రానీయకు అన్ని మంచిపాటలు ఒకే చిత్రంలోనే. జేసుదాస్, సుశీల గారు. simply the best.

8) శ్రీ షిర్ది సాయిబాబా మహత్యం : విజయచందర్ సాయిబాబా పాత్రలో జీవించిన ఈ చిత్రంలో అన్ని పాటలూ హిట్సే. ఇళయరాజా సంగీతం, ఆత్రేయ సాహిత్యం పడుగు పేక లాగా కలిసిపోయి చక్కటి పాటలు వెలిశాయి. మా పాపాల తొలగించు, నువ్వు లేక అనాథలం,సాయి శరణమ్, బాబా సాయిబాబా,దైవం మానవ రూపంలో అన్నీ మేలిమి వజ్రాలే. ప్రత్యేకించి : బాలు పాడిన బాబా సాయిబాబా పాట.

9) శ్రీ సాయి మహిమ: అంతగా వెలుగులోకి రాని ఈ చిత్రం లోని పాటలకు నేను పెద్ద పీటే వేస్తాను. అత్య్తుత్తమ సంగీతం అనటంలో ఏమాత్రం సందేహం లేదు. సంగీతం అనూరాధ పౌడ్వాల్ కుమారుడైన ఆదిత్య పౌడ్ వాల్. అంత చిన్న కుర్రవాడు ఈ స్థాయి సంగీతం అందించాడంటే నేను ఇప్పటికీ నమ్మలేను. సినారె సాహిత్యం అత్యుత్తమంగా ఉంది. బాలు, జానకి, అనురాధ గార్లు అన్నిపాటలకు ప్రాణం పోశారు.
నిజం చెప్పాలంటే ఈ గీతమాలికలోని అన్నిపాటలు నాకు చాలా ఇష్టం. సాయిదివ్యరూపం, నిన్ను గని శరణమని, సాయి దేవా, ఎంతెంత దయనీది ఓ సాయి. divine music.

10) శంకరాభరణం: విశ్వనాధ్ గారి చిత్రం లేకుండా ఈ జాబితా పూర్తి చేయటం పెద్ద తప్పు అవుతుంది. అన్నీ గొప్ప బాణీలు అని చెప్పలేను కానీ పవిత్రత, నిబద్ధత కలిగిన సంగీతం. ముఖ్యంగా సామజవరగమన పాటమధ్యలో చరణాలు కల్పించటం చాలా చక్కగా కుదిరింది. దొరకునా ఇటువంటి సేవ పాట అత్యుత్తమం. కానీ రెండు అసంతృప్తులు ఉన్నాయి. సుశీలగారికి ఈ చిత్రంలో పాట లేక పోవటం. అలాగే ఓంకారనాదానుసంధానమౌ, రాగం తానం పల్లవి ఈ రెండు పాటల బదులు సంప్రదాయ గీతాలు పెట్టి ఉంటే బాగుండేది అనిపించింది.

almost there : భక్త ప్రహ్లాద, మహాకవి కాళిదాసు.

అమ్మయ్య. ఎప్పటినుంచో వ్రాయాలి అనుకున్న ఈ టపా ఇప్పటికి నెరవేరింది. ఈ జాబితా నా personal choice మాత్రమే. సంగీత ప్రేమికుల జాబితాలో తప్పక ఇతర చిత్రాలు ఉండటం perfectly possible and okay.

సన్నజాజుల భాషేంటొ రౌడీకి కూడా తెలుస్తుంది

2011-10-21T05:49:00.000-07:00

మంచి రహదారిమీద ప్రశాంత వాతావరణంలో ఒక మృదు ప్రేమగీతం వింటూ కారులో ప్రయాణిస్తూ ఉంటే ఎలాగ ఉంటుంది. ( మధ్యలో రాస్తా రోకోలు,వంటా వార్పూ లేకుండా ఉంటే)

ఒక్కోసారి పిచ్చి పిచ్చి సినిమాలలో కూడా మంచిపాటలు ఉంటాయి.

సందీప్ చౌతా.techno music ఇవ్వటంలో ఇతను సిద్ధ హస్తుడు. మాటలు అర్థం కాకుండా జాగ్రత్త పడుతూ digital సంగీతంతో చంపేస్తుంటాడు. pop, hip hop శైలికి సరిపోతాడు. ఇతను పొలిటికల్ రౌడీ అనే మోహన్ బాబు చిత్రంలో ఒక చక్కటి యుగళగీతం సమకూర్చాడు.lovely song.

కళ్ళు తెరిచి చూశా నీవు నాముందే. కళ్ళు మూసుకున్నా నీవు నాలోనే. the song sank along with the film. నాకు బాగా నచ్చింది. పాట బాణి, పాడిన తీరు (సోను, నికిత నిగమ్) సాహిత్యం (సుద్దాల) చక్కగా కుదిరాయి. పాటలో కొన్ని మెచ్చు తునకలు.

సన్నజాజుల భాషేంటొ

చేతిగీతలా చేరావే జాతకాలనే మార్చావే.

నేను రాముణ్ణి అవునో కానో మరి. నీవు నాసీతవైతే చాలే చెలి. (సగటు మగవాడి కోరిక ఇదేనేమో.)
(ఈ చిత్రంలో మోహన్ బాబు ధరించిన పాత్రకు ఈ వాక్యం చక్కగా కుదిరింది).

they aint singing songs anymore. crooning is passing off as singing. అయితే సోను నిగమ్, శంకర్ మహదేవన్ are exceptions. గాయని లు మట్టుకు పదాలు గొణిగినట్టుగా పాడేస్తున్నారు. మీరు పాడింది వినేవాళ్ళకు అర్థం కాకపోతే ఏమిటి ఉపయోగం. ఏంచేస్తాం. అదంతే.

దేవిశ్రీ ప్రసాద్, తమన్ వీరిరువురి పాటలు కేవలం beat కోసం వినాలి. their repertoire is very limited. 2 to 3 tunes. వాటినే మార్చి మార్చి ఇస్తుంటారు. మాటలు అర్థమయ్యే ప్రసక్తే లేదు. పాటలు చూసి ఆనందిద్దామంటే ఎడిటింగ్ ముక్కలు ముక్కలు చేసి ముందుకు వెనక్కు లాగి కళ్ళు బైర్లు కమ్ముతాయి. పాపం కష్టపడి చేసిన dance లు కంటిలో registier అయ్యేలోపు పదిముక్కలు చేసి చూపిస్తున్నారు. మొత్తానికి కొత్తపాటలు వినలేని చూడలేని పరిస్థితి ఉంది. ఎందుకు ఏమిటి ఎలా అని అడగటం కంటే అదంతే అనుకోవటం ఉత్తమం.

కారుచీకటిలో కాంతి రేఖవై మూగగుండెలో దివ్యవాణివై

2011-09-24T06:41:00.000-07:00

70 వ దశకం చివర్లో ఆకాశవాణి కడప కేంద్రంలో ప్రతి ఆదివారం ఏసు ప్రభువు పాటలు పెట్టేవారు ఉదయం ఎనిమిదింటికి అనుకుంటా. అవి ఈ నాటికి నా మదిలో పదిలంగా ఉన్నాయి. అద్భుతమైన బాణీలు. అంతకు మించిన గానం సుశీల బాలు గార్లది. ఈ పాటలకు స్వరకర్త ఎవ్వరో నాకు ఇప్పటికీ తెలియలేదు. బహుశ: పాలగుమ్మి విశ్వనాథంగారేమో అని నా ఊహ. జాలం పుణ్యమా అని ’హృదయమే నీ ఆలయం క్రీస్తు’ ఆదిగా గల అన్నిపాటలు మళ్ళీ వినగలుగుతున్నాను.

ఈ క్రీస్తుపాటల సంకలనం లో నాకు అమితంగా నచ్చిన కొన్ని పాటలు.

హృదయమే నీ ఆలయం క్రీస్తూ.

ఇన్నేళ్ళు ఇలలో ఉన్నాము మనము చల్లని దేవుని నీడలో

శాశ్వతమా ఈ దేహం

ఇది శుభోదయం క్రీస్తు జన్మదినం

నేనే మార్గము సత్యము జీవముని

ఈ లంకెలో పాటలు వినవచ్చు

ముఖ్యంగా ’మధుర మధుర సేవ ’ అనే పాట ఎన్నిసార్లు విన్నా తనివితీరదు. దేశ్ రాగంలోని వినసొంపుదనం. బాలుగారి అద్భుతగానం ఈ పాటకు ప్రాణం పోశాయి. ఒకే గీత సంకలనంలో ఇన్ని ఆణిముత్యాలు పొదిగిన స్వరకర్తకు పాదాభివందనం చేయాలనిపిస్తుంది.
సుశీలగారు, బాలుగారు ఈ పాటలను గొప్పగాపాడారో చెప్పటానికి మాటలు చాలవు. ఈ తరం శ్రోతలు తప్పక విని శాశ్వతంగా భద్రపరచుకోవాల్సిన పాటలు ఇవి. సాహిత్యం కొంచెం typically క్రైస్తవంగా అనిపిస్తుంది కానీ బాణీల లోని మాధుర్యం మాటలను అధిగమిస్తుంది.

తెలుగుదనం, భారతీయత ఉట్టిపడే ఈ పాటలు తప్పక ఒకసారి స్మరించుకోవటం నాకు చాలా ఆనందాన్ని ఇచ్చింది. కరుణామయుడైన యేసు ప్రభువు ప్రశాంత వదనం కళ్ళకు కట్టించే పాటలు ఇవి.

నేను క్రైస్తవుడిని కాను కాని ఈ పాటలు మాత్రం నేను అమితంగా అభిమానిస్తాను. స్వస్తి.

మోహనరాగమహా -మూర్తిమంతమాయే

2011-08-25T07:20:00.000-07:00

మోహనరాగం. ఈ రాగం లోని పాటలు వింటే మనసు ఎంతో ఆహ్లాదకరంగా, సంతోషంగా, ఉల్లాసంగా, ఉత్సాహంగా మారిపోతుంది. హాయిగా అనిపిస్తుంది. ఇట్టే ఆకట్టుకుంటుంది. గోవిందుడు అందరివాడేలే అన్నట్టుగా మోహనరాగం అందరికీ ఇష్టమైనదే. ఒకసారి కొత్తపాళీ గారి బ్లాగులో మోహనరాగాన్ని వంకాయకూరతో పోలికతెచ్చి ఎంతో బాగా వ్రాశారు.

సినీ గీతాలవరకూ చూస్తే మోహనం హిందోళం మమ్మీ డాడీ రాగాలు.

ఎన్నో వందలపాటలు స్వరపరచబడ్డాయి మోహనంలో.

అందరికీ తెలిసిన పాటలు కాకుండా రెండు కన్నడ పాటలు పరిచయం చేయాలనిపించింది నాకు. రెంటికీ స్వరకర్తలు రాజన్ నాగేంద్ర. వీరు జనరంజకంగా పాటలు కట్టడంలో సిద్ధహస్తులు.

’నన్న ఆశె హణ్ణాగి’అనే ఈ పాట ఒక చక్కని యుగళగీతం. బాలు గారి గొంతు ఎంతబాగుంటుందో మాటల్లో చెప్పలేను. ఈ పాట తరువాత తెలుగులో, తమిళంలో కూడా వచ్చింది. (విశేషమేమంటే బాలు కన్నడంలో జానకిగారితో, తెలుగులో సుశీలగారితో,అరవంలో వాణీ జయరాం గారితో ఈ పాట పాడారు. ఈ పాటలో నటించిన శంకర్ నాగ్ (అనంతనాగ్ తమ్ముడు) తరువాతి కాలంలో కారు ప్రమాదంలో చనిపోయాడు.). మూడు భాషలలోనూ, కన్నడపాటే ఉత్తమంగా ఉంది. బాలు గొంతుకోసమే ఈ పాట నేను చాలాసార్లు విన్నాను.

యుగళగీతం చివర్లో గాయనీ గాయకులు ఇద్దరినీ తప్పకుండా కలిపి పాడించటం రాజన్ నాగేంద్ర ప్రత్యేకత.

’జేనిన హొళెయో హాలిన మళెయో’ఈ పాట కన్నడ కంఠీరవ డా. రాజకుమార్ పాడినది. కన్నడ దేశపు ఔన్నత్యాన్ని తెలిపే ఈ పాటకూడా చాలా బాగుంటుంది.
రానా స్వరపరచిన పంతులమ్మ గీతాలు ఎంత బాగుంటాయో అందరికీ తెలుసును. ’సిరిమల్లె నీవె’ పాట చరణాల్లో కొన్ని అన్య స్వరాలు వచ్చినా మోహనరాగం ఆధారితమే.

పాటలు విన్నతరువాత మోహనమీ ప్రకృతి. మోహనమీ జగతి. అనిపిస్తుంది.

rahamania- ఇప్పుడిటు కనుగొంటి

2011-08-15T07:36:00.000-07:00

రెహమాన్ అంటే ఎందుకో ఒక రకమైన prejudiced view ఉండేది నాకు. ఇళయరాజా పాటలు staple diet గా పెరగటం ప్రధానకారణం.

కానీ తనలో ఒక genius ఉన్నాడు అన్నది తెలుస్తూనే ఉన్నా accept చేయలేక పోయే వాడిని. ఇప్పుడిప్పుడే కొంచెం impartial view తో కొత్తగా వినే ప్రయత్నం చేశాను. నా దేవుడా! he has really composed some of the finest interludes. okay. they have been few and far between.

తప్పకుండా తనకు ఒక ode లాంటి మెచ్చుకోలు వ్రాయాలి అనిపించింది. it has been long overdue.

తను స్వరపరచిన commercial పాటలలో nursery rhyme బాణీలతో విసిగిస్తాడు. jerks ఎక్కువగా ఉంటాయి. మాధుర్యం పాలు కూడా తక్కువే. ఒక నిర్దేశిత పద్ధతిలో ఉండవు. ఇవీ రహమాన్ సంగీతంపై నా ఆరోపణలు. (ఇళయరాజా ను వెనక్కి నెట్టేశాడు ఇది బైటికి ఇప్పుడు చెబుతున్న కారణం).

అయితే..orchestrization లో, recording లో తను తెచ్చిన మార్పు ను ఒకే వాక్యంలో చెప్పాలంటే. before రహమాన్ and after రహమాన్ అన్నంతలా భారతీయ సినీ సంగీతాన్ని మార్చివేశాడు.

కండుకొండేన్ కండుకొండేన్ సినిమాలోని ఈ పాట ఒక masterpiece అని చెప్పవచ్చు. ముఖ్యంగా రెండో చరణం ముందరి interlude వింటే రహమాన్ కు oscar ఇవ్వటం సముచితమే అనిపిస్తుంది. ఈ పాటను మంచి quality గల music system లో వింటే ఆ అనుభవం అద్భుతంగా ఉంటుంది. పాట చిత్రీకరణ, photography చాలా బాగున్నాయి. పాట బాణీ ఎలా ఉందంటే. శరదృతువులో నీలాకాశంలో తెల్లని మేఘం స్వేచ్చావిహారం చేసినట్టుగా ఉంటుంది. ఇక gorgeous ఐశ్వర్య రాయ్ ఈ సినిమాలో ఎంత అందంగా ఉందో. it is one of her finest films.

ఇళయరాజా update అవ్వలేకపోయాడు. రహమాన్ సాధించిన world music quality తేలేక పోయాడు. 1995-2000 తరువాత ఇళయరాజా stopped growing as composer. అయితేనేమి the body of great music created by him is phenomenal.

..never mind. నేను ఇళయరాజా కు జీవితకాలపు loyalist గానే ఉంటాను.

objective assessment చేయటమే నా ఉద్దేశ్యం. open mind తో ఆలోచించటమంటే కళ్ళజోడు తుడుచుకుని చూడటమే. నిజం. ఇప్పుడు అలా అనిపిస్తోంది.

ఆంగ్ల పదాలు ఎక్కువైపోయాయి. తప్పలేదు.

కళ్ళెత్తితే చాలు- కనకాభిషేకాలు

2011-08-12T11:28:00.000-07:00

ఈ బంగారు నగల షాపువాళ్ళ ad లు ఎవరు తీస్తున్నారోగానీ చాలా సృజనాత్మకంగా lively గా ఉంటున్నాయి.

ఉద్యమం వార్తలు , పచ్చ మీడియా systematic గా చేసే character assassination కథనాలు, ఓదార్పు, వై యస్ బొమ్మల వార్తలు, ఇతర దరిద్రగొట్టు కార్యక్రమాల నుంచి చాలా relief గా అనిపించాయి (yeah. I took care to be politically correct) .

నాగార్జున కళ్యాణ్ జువెలర్స్ ad బాగుంది.

నేపథ్యంలో వచ్చే వేణువు చాలా నచ్చింది నాకు. లఘుచిత్రంలోనే ఒక చిన్నకథను చెప్పినట్టుగా చాలా బాగా తీశారు.

జూ ఎన్టీఆర్ మలబార్ గోల్డు
కూడా బానే ఉంది. తను మంచి సహజనటుడు. కానీ తను నటించే సినిమాలన్నింటిలోనూ నేలవిడిచి సాము చేసే పాత్రలే. ఆ సినిమాల్లో లేని సహజత్వం ఈ adలలో నాకు కనిపించింది. కొంచెం swagger తగ్గించుకుంటే ఇంకా బాగుండేది.

ఈ తనిష్క్ వారి glamgold ad భలేగా ఉంది. ముఖ్యంగా leading lady ఎంతో graceful గా ఉంది

కొంచెం గాయని సునీత పోలికలు ఉన్నాయి ఆమెలో.

నాకు ఈ ప్రచారచిత్రాలు నచ్చాయి. అంతే కానీ బంగారం కూడబెట్టే ఉద్దేశ్యమేవీ లేదు.

p.s. టపా శీర్షిక కొంచెం class ఎక్కువైనట్టుగా ఉంది.

ముగ్గురన్నలూ. please retire అవ్వండి.

2011-07-26T04:44:00.000-07:00

మనవాళ్ళు చెత్తగా చిత్తుగా ఓడిపోయారు lords test లో. దీనికి ప్రధానకారణం defeatist attitude మాత్రమే.
ఇంగ్లాండ్ చక్కగా ఆడటం, మనలో positive mindset లేకపోవటం, సహజమైన ఆట ఆడకపోవటం, అతిగా ఆడటం ఇతర కారణాలు.

సచిన్: god of indian cricket. ఇప్పుడు కేవలం ఉత్సవవిగ్రహం మాత్రమే. దయచేసి 100 వ సెంచరీ పూర్తిచేసి తప్పుకో భయ్యా. ఎంతో ability ఉంచుకొని కూడా అంత దరిద్రంగా జిడ్డు ఆట ఆడటమెందుకు. ఒకప్పుడు వెన్నపూసలో వేలు పెట్టినట్టుగా ఉండిన నీ ఆట ఈ రోజు వెన్నుపూసపైన కాలు పెట్టినట్టుగా ఉంటోంది (పుత్తడిబొమ్మ- జంధ్యాల). అయితే ఒక్క విషయం. సచిన్ all time great క్రీడాకారుడు అనేది నిండు నిజం. he is well past the sell by date అనేది ఇంకా నిజం.

ద్రావిడ్: బాబోయ్ ఏం జిడ్డు batting అండీ బాబూ. తను ప్రేక్షకులకోసం ఆడుతున్నాడో తన కోసం ఆడుతున్నాడో అర్థంకాదు. lords లో కొట్టిన century ఏమాత్రం ఆకర్షణీయంగా లేదు. boring game. match draw చేయటం కోసమే ఆడటం ఇతని ప్రత్యేకత.

లక్ష్మణ్: మంచి stroke player అయ్యి ఉండి కూడా పై ఇరువురి ప్రభావం వల్ల అదరగొట్టే లక్ష్మణ్ పూర్తిగా dull లక్ష్మణ్ గా మారిపోయాడు.

positive frame of mind ఉన్న ఆటగాడు ధోనీ ఆటతీరు కూడా దరిద్రంగా మారిపోయింది. stroke players బలవంతంగా defence ఆడితే ఏమీ ఉపయోగం ఉండదు.

మొన్నటికి మొన్న వీళ్ళూ west indies లో మూడో test ను కుళ్ళబొడిచిన తీరు చాలా దారుణం. గెలుపుకోసం కనీస ప్రయత్నం చేయకుండా draw చేసుకోని పై పెచ్చు సంబరాలు చేసుకోవటం ...my god . perplexing.

మీరు ముగ్గురు దయతో తప్పుకుంటే కుర్రవాళ్ళకు అవకాశాలు వస్తాయి. our fellows dont retire gracefully. it is in their genes.

ఓటమికి భయపడేవాడు గెలవటం కష్టం.

అసలు ఎందుకు ఆడుతున్నారు. ప్రేక్షకులను రంజింప జేయటానికా లేక records పెంచుకోటానికా.. ఈ దరిద్రపు ఆట చూసి బాధతో ఈ టపా వ్రాశాను. చాలామట్టుకు క్రికెట్ మీద ఆసక్తి పోయింది. అప్పుడప్పుడు మనవాళ్ళు అదరగొడుతుంటారు. అప్పుడు మళ్ళీ మామూలే.

స్టైలే స్టైలే ఇది రజనీ స్టైలే

2011-07-14T05:39:00.000-07:00

>రజనీకాంత్ వచ్చేశాడు. ఆరోగ్యవంతుడై. ఎంతోమందిలాగే నేనూ all happys.

తనలో ఒక magic ఉంది. ముఖ్యంగా తన సినిమాలలో ఇతర పాత్రధారులను గౌరవించే విధానం నాకు బాగా నచ్చుతుంది.

robot సినిమాలో తను usual mannerism లను పక్కనబెట్టి చాలా బాగా act చేశాడు అనిపించింది నాకు. రోబోట్ సినిమా నాకు పెద్దగా నచ్చలేదు కానీ రజని deserves award for his acting as robot.

తను మరీ super mega star అవ్వకముందరి రెండు పాటలు ఒకసారి వింటే బాగుంటుంది అనిపించింది.

మొదటి పాటsp baalu పాడిన ఒక classic అని చెప్పవచ్చు. పాట చిత్రీకరణ కూడా చాలా హృద్యంగా ఉంది. రజని, సుహాసిని, ప్రభు-- చాలా బాగా వచ్చింది పాట picturization. ఇళయరాజా prime లో ఉన్నప్పటి పాట. బాలు హుందాగా, స్పష్టంగా majestic గా పాడాడు. రజని, సుహాసిని చాలా అందంగా కనిపిస్తారు simple yet elegant. చూసి, విని తీరాల్సిన పాట ఇది. పాట చివరిలో సుశీలగారు, మలేశియా వాసుదేవన్ రెండు లైన్ల కోసం తమ గొంతులను కలపటం పాటను elevate చేసింది.

రెండో పాట. కె.జె. జేసుదాస్ గొంతులో. 80 లలో chartbuster గా నిలిచిన ఈ పాట. dasettan తన clean vocals తో పాటకు జీవం పోశారు. wonderful rendition. very neat composition.

ఇవి evergreen పాటలు. ఏపాటైనా కొన్ని దశాబ్దాలతరువాత విన్నా ఆకట్టుకుందంటే, ఆ పాట contemporary గా అనిపించిందంటే అది గొప్పపాట. ఇది purely నా వ్యక్తిగత అభిప్రాయం.

పై రెండు పాటలకు ఆ లక్షణాలు ఉన్నాయి. Hi Rajani. welcome back.

వేసవికాలపు వెన్నెల కాదు కదా-- తిలాంగ్ రాగం.

2011-05-15T06:30:00.000-07:00

తిలాంగ్ రాగం. రెండు నిషాదాలతో గమ్మత్తుగా ఉంటుంది. ఇట్టే ఆకట్టుకుంటుంది.

మూడు మంచి పాటలను ఒకసారి replay చేసుకుంటాను.

1) నాకు అమితంగా నచ్చిన ఈ పాట సింగార వేలన్ చిత్రంలోనిది. ఇంత మంచి పాటలను సృష్టించిన ఇళయరాజా కు ఏమిచ్చి ఋణం తీర్చుకోగలము అనిపిస్తుంది. గానం బాలు , జానకి గారు. అద్భుతంగా పాడారు.

2) సుశీలమ్మగారు పాడిన ’మనసా కవ్వించకే’నన్నిలా పాట చాలా ఇష్టం నాకు. పండంటి కాపురం చిత్రంలోనిది. soliloquy ని పాటగా మలచిన తీరు బాగుంది. తిలాంగ్ లో ఇంకా బాగా కుదిరింది. కష్టమైన పాట అనిపిస్తుంది. పాటల పోటీలలో పాల్గొనే వారు ఈ పాట పాడాలంటే ముచ్చెమటలు పోయటం ఖాయం.

3) ఏమొకో చిగురుటధరమున -mlv గొంతులో ఇక్కడ బహుళ ప్రాచుర్యం పొందిన ఈ అన్నమయ్య పదం -- ముఖ్యంగా శోభారాజు ఇంకా బాలు గారు ఇద్దరు కూడా ఈ పాటకు ప్రాణం పోస్తారు.

నిలువుమా నిలువుమా నీలవేణి పాట కూడా చాలా మధురమైన యుగళగీతం.

వేణువై తాను భువనానికి వచ్చి గాలిలా గగనంలో కలిసిపోయిన చిన్నారి.

2011-04-16T10:27:00.000-07:00

చిత్రగారు. మధుర గాయని. స్వచ్చమైన నవ్వుతో చూడగానే పవిత్రభావం కలిగే ముఖం ఆమెది. ఆమె తెలుగు ఉచ్చారణ ఎంత బాగా ఉంటుంది! పెను విషాదం. వివాహమైన పదిహేనేళ్ళకు పుట్టిన అమ్మాయి తొమ్మిదేళ్ళ చిన్నారి మరణం ఆమె అభిమానుల హృదయాలను తీవ్రంగా కలచివేస్తోంది.

చిన్నారి నందన. అందరికీ అమృతం పంచిన మీ అమ్మ ను ఎలా ఓదార్చ గలమమ్మా?

చిత్రగారు ఎన్నో వందల పాటలు పాడారు. ఆమె కర్ణాటక సంగీతం క్షుణ్ణంగా నేర్చుకున్నవారు. అందుకే ఆమె గొంతులో శ్రుతి, శ్రావ్యత ఉత్తమ స్థాయిలో ఉంటాయి.

రెండు మంచి పాటలు గుర్తు చేసుకుంటాను.

ఏ శ్వాసలో చేరితే గాలి గాంధర్వమౌతున్నదో-- ఈ పాటకు తప్పకుండా జాతీయ బహుమతి ఇవ్వవలసిన పాట. చిత్రగారు తప్ప ఇంకెవ్వరూ ఈ పాట పాడలేరు.

వేణువై వచ్చాను భువనానికి గాలినై పోతాను గగనానికి. శుభపంతువరాళి లోని విషాదం చిత్రగారిని కమ్ముకుంది. ఆమె దు:ఖం ఎవరూ తీర్చలేనిది.

సుజాత-కమల హాసన్-ఇళయరాజా-ఒక పడవ పాట

2011-04-07T04:58:00.000-07:00

సుజాత. వెళ్ళిపోయింది. సముద్రం లోకి సూరీడు అస్తమించినంత సహజంగా. మనకున్న dignified నటులలో ఆమె ఒకరు.

ఒక మంచిపాట ద్వారా ఒకసారి స్మరించుకుంటాను.

పడవపాటలు చాలా వరకు ఆకట్టుకుంటాయి. ఆ నెమ్మదితనం, మద్యలో నావికుడో, సరంగో చేసే ex tempore ఆలాపనలు. ఇలాంటిపాటలు సంగీతదర్శకులు పాడితే మరీ బాగుంటాయి.

ఈ పాట ఇళయరాజా స్వరపరచిన ఒక classic. గానం జయచంద్రన్, జానకి గారు. interludes ఎంతో మాధుర్యంతో,ఒకేసారి simple గానూ, intricate గానూ అనిపిస్తాయి. చాలా చక్కగా చిత్రీకరించారు కూడాను.

కమల హాసన్ కంటె పెద్దదానిలాగా సుజాత అనిపిస్తుంది.

ఈ పాట నాకు ఎంతో ఇష్టం. దాదాపు 30 ఏళ్ళయినా retro effect ఏమీ పడలేదు. చాలా హాయిగా సాగుతుంది.

బిలహరీ అని పిలువకుంటే బాగుండదు.

2011-03-30T04:37:00.000-07:00

స్వధర్మే నిధనం శ్రేయ: అనుపల్లవిలో కొన్ని సంగీతకబుర్లు చెప్పుకుంటేనే బ్లాగుంటుంది అనిపించింది.

బిలహరి. పెద్దగా నన్ను ఆకట్టుకోదు ఈ రాగం. వినగా వినగా.. sort of grows on ears.

ఆరోహణలో మోహనం +అవరోహణ శంకరాభరణం= బిలహరి.

ఈ రాగంలో ఓ రెండు పాటలను పొగిడి ఒక పాటను తిడితే ఒక టపాయిపోతుంది.

ఒకమంచిపాట-- ఎవరు నేర్పేరమ్మ ఈ కొమ్మకు పూలిమ్మని రెమ్మ రెమ్మకూ.-దేవులపల్లి వారి రచన. పాట ఎత్తుగడ ఎంతో బాగుంది. ఎంతో హాయిగా సుశీలమ్మ గారు పాడారు.

ఇళయరాజా బిలహరిలో ఇచ్చిన రెండుపాటలు ఇలా ఉన్నాయి

1) రుద్రవీణలో ’నీతోనే ఆగేనా సంగీతం’- నాకు నచ్చని పాటలలో ఇది ఒకటి. తన తండ్రి పరిస్థితిని పాట రూపంలో కచ్చేరీలో పాడటం చాలా కృతకంగా అనిపిస్తుంది. అలాగే పాట బాణీ కూడా కృత్రిమంగా ఉంది. ఈ చిత్రంలోనే ’లలిత ప్రియ కమలం విరిసినది’ అనే పాట కూడా నాకు నచ్చదు. (మరీ రివర్సు లో సమీక్షిస్తున్నానేమో తెలియదు)

2) బాలనాగమ్మ అనే తమిళ చిత్రంలోని ’కూందళిలే మేగం’ అనే పాట బానే ఉంటుంది బిలహరిలో.

సంగీత సామ్రాట్ ( anr, జయప్రద, రమేశ్ నాయుడు, సుశీలగారు.)చిత్రంలోని ఎంతసొగసు గాడే పాట బాగుంది.

బాగా ప్రసిద్ధమైన సంప్రదాయ గీతం ’రార వేణు గోపబాల రాజిత సద్గుణ జయశీల’

font size పెంచి చాటభారతం తగ్గించరూ please

2011-03-23T05:34:00.000-07:00

ఈ రోజుల్లో పెద్ద పెద్ద op-edit పేజీ వ్యాసాలు చదివే ఓపికలు ఉంటం లేదు. ఎందుకో గానీ చీమతలకాయ font size లోనే పత్రికలు నడుస్తున్నాయి. ముఖ్యంగా hindu పత్రిక లోని వ్యాసాలు చదవాలంటే భయమేస్తుంది. అసలు ఇంతింత పెద్ద articles అవసరమా? విపరీతమైన విశ్లేషణ. కేవలం పేజీలు నింపడానికే వ్రాసినట్టుంటుంది. ఎక్కువగా ఊకదంపుడు ఉంటుంది.

విషయం క్లుప్తంగా చెబుతూ కొంచెం అక్షరాల పరిమాణం 10 లేదా 12 చేస్తే సుబ్బరంగా హాయిగా చదివేయచ్చు.

అలాగే ఈనాడు,సాక్షి. అన్నీ కూడాను. తెలుగు ఇండియా టుడే తో పాటు ఒక భూతద్దం కూడా ఇస్తే బాగుంటుంది.
ఎందుకో గానీ పెద్ద పెద్ద పేరాలు చదవాలంటే నాకు భయం.

పత్రికలవాళ్ళు ఈ font size విషయంలో కొంచెం out of the box ఆలోచిస్తే
ఈ delugue of info నుంచి రక్షింపబడవచ్చు. అలాగే కళ్ళకూ ఒత్తిడి తగ్గుతుంది. సమయమూ ఆదా అవుతుంది.
increase font size. reduce size of articles. reduce size of paper as well. ఇలాగని హిందూ కి ఒకసారి mail కూడా ఇచ్చాను. కనీసం చదివారో లేదో కూడా తెలీదు.

ఒక చివరి మాట: ఈ పై విధంగా నాకు అనిపించటానికి 43 ఏళ్ళు దాటి చత్వారపు తొలిదశ కూడా ఒక కారణం కావచ్చు.

మౌనమే వేదమనిపించే పాట-thanks vidya

2011-03-10T05:35:00.000-08:00

విద్యాసాగర్ కు నేను పూర్తి స్థాయిలో అభిమాని అవటానికి ఈ పాట కారణం. it is sheer magic.

తన career లోనే అత్యుత్తమమైన పాట. ఈ పాట తరువాతే తను తమిళంలో, మళయాళంలో ఉన్నతస్థాయికి చేరుకున్నాడు. ’మలరే మౌనమా’ ముందు, తరువాత అన్నంతగా అతని జీవితం మారిపోయింది.

ఒక interview లో తనే చెప్పాడు. ’బాలుగారు సాధారణంగా తొమ్మిదింటి తరువాత పాడరు”. విద్యా ’ఈ పాట జానకిగారు track పాడారు. just వినండి’ అని అన్నారట. బాలుగారు was bowled over. రాత్రి పన్నెండింటి దాకా improvise చేసి పాడి ధ్వనిముద్రణ అయ్యాకే వెళ్ళారట.

బాలు, జానకి గారు పాటకు జీవం పోశారు అనటం stating the obvious అవుతుంది.

కర్ణ సినిమా (1995)లోని ’మలరే మౌనమా’పాట. రాగం దర్బారి కానడా.

అర్జున్, రంజిత. yeah. she was famous for all the wrong reasons recently. nevertheless, both looked very gorgeous in this song.

thanks విద్యా.

మలేషియా వాసుదేవన్ - కొన్ని మట్టి వాసనల గురుతులు.

2011-02-22T21:53:00.000-08:00

మహా గాయకుడు కాదు. కానీ మంచి పాటగాడు. open voice తో,బలమైన గొంతుతో పాడేవాడు. ముఖ్యంగా మలేశియా + ఇళయరాజా + భారతి రాజా+ వైరముత్తు.. వీరి కలయికలో పల్లెటూరి పాట అంటే అది మట్టివాసన లాగా చుట్టుకుంటుంది. సహజంగా pretence లేకుండా పాడుతాడు.

వెళ్ళిపోయాడు. అయితేనేమి. పదుల సంఖ్యలో మంచిపాటలు పాడి వెళ్ళాడు.

నాకు అమితంగా నచ్చిన రెండు పాటలు గుర్తుచేసుకుంటాను.

తూరల్ నిన్ను పోచ్చి సినిమాలోని ’తంగ చంగిలి’ పాట ఒక గొప్ప యుగళగీతం.

out of this world orchestrization.

ఇళయరాజాకు కీరవాణి రాగం అంటే మహా ప్రీతి. మలేశియా, జానకి గారు పాటకు జీవం పోశారు.

కోళి కూవుదు చిత్రంలోని ’పూవే ఇళయపూవే’. my god. ఎంత గొప్ప పాట. only ilayaraja could have created such a masterpiece. మలేశియా చాలా చక్కగా పాడాడు.

ముదల్ మరియాదై చిత్రంలో పాటలు అజరామరాలు.

పత్రికలలో మలేశియా మరణవార్త చూశాక ఒక్కసారి ఆ ’పాత’ మధురాలు గుర్తుకొచ్చాయి.

thanks malaysia.

మల్లెతీగ ఒక్కనాటికీ వాడిపోదు మాండు రాగంలో

2011-02-11T09:06:00.000-08:00

రాజన్-నాగేంద్ర-ఈ సంగీత దర్శక ద్వయం ఎన్నో జనరంజకమైన గీతాలు స్వరపరిచారు.

ఒకే చిత్రంలో దాదాపు అన్ని పాటలు hit songs' చేయటం వీరి ప్రత్యేకత.

పూజ cinema లో అన్నీ మంచి పాటలే ఉన్నాయి. అందులో
మాండు రాగం లో ఉన్న ’మల్లెతీగ వాడిపోగ మరల పూలు పూయునా’ ఒక చక్కటి పాట.

రహమాన్ అప్పుడప్పుడూ మాండ్ రాగం లోకి relapse అవుతుంటాడు. ఇరువర్ సినిమాలోని శశివదనే పాటలో interludes లోను చరణంలోనూ చాలా అందంగా మాండురాగచ్చాయలు అగపడతాయి. duet cinema లోని ’అంజలీ అంజలీ’ పాట లోని చరణాలు మరొక ఉదాహరణ.

చక్రవర్తి గొప్పగా సంగీతం ఇచ్చింది 70 లలోనే . అందులోని ఒక ఆణిముత్యం ’కుశలమా నీకు కుశలమేనా’-బలిపీఠం లోనిది.

ఎంత గొప్ప యుగళగీతమో మాటల్లో చెప్పలేను. ఆత్మ సౌందర్యం ఉన్న పాటలు అవి.

మాండు రాగ చాయలలో ఉన్నట్టు నాకు అనిపించింది.

శ్రీ మధ్వాచార్య అనే కన్నడ సినిమా తెలుగు అనువాదంలో బాలమురళి పాడిన ’నాదు హృదయ వీణ మీటి’ అనే గీతం link నాకు దొరకలేదు.

ఆరభి, సామ, శుద్ధ సావేరి రాగ త్రయం - త్రివేణీ సంగమం

2010-12-30T04:43:00.000-08:00

నేను ప్రాణంగా ప్రేమించే రాగం పైన రాస్తున్నఈ టపాతో నా కల నెరవేరింది. కొండను కొంచెం అద్దంలో పట్టుకుంటాను.
ఆరభి, సామ ,శుద్ధ సావేరి రాగాలు ఒకే నదిలోని మూడు పాయలుగా అనిపిస్తాయి నాకు. ముఖ్యంగా శుద్ధ సావేరి
సమ్మోహన శక్తి ఉన్న రాగం. ఈ రాగాలలో ఉన్న మాధుర్యం చెప్పనలవి కాదు.

బృందావనమది అందరిది తో మొదలైన ఆ ఇష్టం పాడనా తెనుగు పాట తో అమాంతం పెరిగిపోయి జానకి కలగనలేదు పాటతో సంపూర్ణమైంది.

జానకి కలగనలేదు పాటకు all time ఇళయరాజా favourites లో రెండవ స్థానం ఇస్తాను. (first spot is a no brainer. మాటే మంత్రము పాటకు చెందుతుంది.) ఎంత గొప్పపాట. కొన్ని వందలసార్లు విన్నా మళ్ళీ వినాలనిపిస్తుంది. they marred the picturization of this song with comical steps. ఆత్రేయ సాహిత్యం,సుశీల, బాలు యుగళం--తెలుగు సినిమా పాటలకే తలమానికం వంటి పాట ఇది.

అసలు ఈ పాటకు బీజం పాడనా తెనుగు పాట (అమెరికా అమ్మాయి) తో పడింది అనుకుంటున్నాను. ఎందుకంటే స్వరకర్త g k వెంకటేశ్ కు అప్పుడు ఇళయరాజా సహాయకుడు గా ఉన్నాడు. ఈ పాట సాహిత్యం దేవుల పల్లి. ఆ పేరే చాలు. ఈ పాటలో వీణ, వయొలిన్లు చాలా చక్కగా western style ను కర్ణాటక శైలి లో fusion చేసిన విధానం అపురూపం. సుశీలగారు మాధుర్యానికి care of address అని చెప్పటం లో పునరుక్తి దోషం ఒక్కనాటికీ ఉండదు.

ఆరభి రాగానికి బైబిల్ వంటి కీర్తన ’సాధించెనే’. త్యాగరాజ స్వామి వారి పంచరత్న కృతి. ముఖ్యంగా బాలమురళి ఈ కీర్తన ను అనితర సాధ్యంగా పాడారు. త్యాగరాజ స్వామి వారి పంచరత్న కృతుల సాహితీ, సంగీత మాధుర్యాన్ని ఆస్వాదించటానికి ఒక జీవితకాలం సరిపోదు.
రెండు మెచ్చు తునకలు- ’సమయానికి తగు మాటలాడెనే’, ’వెత కలిగిన తాళుకొమ్మనెనే’.

తబలాను చెవి మరుగు చేసేశారు

2010-12-11T05:33:00.000-08:00

దాదాపుగా తబలాను వాడటం మానేశారు. ఇప్పుడంతా drums లేదా digital sounds

ఎంత నిండుదనంగా ఉండేవి ఆ పాటలు.
తబలాను stylish గా వాడిన కొన్నిపాటలు ఉదహరిస్తాను.

1) యుగంధర్ సినిమాలో ’దాస్తే దాగేదా’ పాట. మంచి stylised composition.
ఇళయరాజా తొలినాళ్ళలో ఇచ్చిన పాట.
సినారే(?)/ ఆత్రేయ సాహితి కూడా చాలా simple yet effective గా ఉంది.

బాలు, జానకి అద్భుతంగా పాడారు.

ఈ పాటలో నాకు బాగా నచ్చిన కొన్ని వాక్యాలు.

- పుట్టాము గనక తప్పదు చావక ముందు వెనక తేడాగా
ఏతాడైనా మూడే ముళ్ళు సంబరమంతా మూన్నాళ్ళు.
ఉరితాడంటి బిగి కౌగిలిలో ఉక్కిరి బిక్కిరి చేసేస్తా.
ఇది నీ అంతో మరి నావంతో ఏదో ఒకటి ఇక తేలాలి.

2) ప్రేమలేఖలు సినిమా లోని ’ఇది తీయని వెన్నెల రేయి’ పాట.
alltime classic పాట. బాలు సుశీల గారు పాడిన గొప్ప యుగళ గీతాలలో ఒకటి.

ఎన్నో గొప్ప పాటలు తబలా percussion తో పరిపూర్ణతను పొందాయి.

అసలు తబలా లేని పాటలో తెలుగుదనం, ఇంకా భారతీయత పోయినట్టు అనిపిస్తుంది

కాఫీ ఒక్కోసారి నిద్ర పుచ్చుతుంది కూడా

2010-11-19T04:14:00.000-08:00

విద్యాసాగర్. a much improved composer. నా అభిమాన సంగీత దర్శకుడు.

తమిళంలోనే ఎన్నో మంచిపాటలు ఇచ్చాడు. అతని పాటలు కొన్ని బ్లాగేసుకుంటే బాగుంటుంది అనిపించింది. కాఫి రాగం లోనిఈ పాటఅరవంలో చాలా హిట్టయ్యింది.

తమిళ గాయకులు కొన్నిచోట్ల ఒత్తులు పలకక పోవడం నేను గమనించాను. ఉదా: బాస్కర్, బైరవి, కాంబోజి ఇలా అనటం కద్దు. అలాగే కాఫీ ని కాపి అంటారు.(త్రాగేది) వారి భాష ప్రకారం అది సరైనదేనేమో. కానీ సంస్కృత భాష ఆలంబనగా కల మనకు సరైన ఒత్తులు లేకుండా వింటే చెవుల్లో సీసం పోసినట్లు ఉంటుంది.
digression ఆపేస్తే.

’మాస్’ పాటలాగా అనిపిస్తూనే ’క్లాసికల్’ బేసు గా స్వరపరచటం విద్యాసాగర్ చక్కగా నేర్చుకున్నాడు. ఈ కాఫి రాగం ఒక గాడత తో కూడి ముదురు వర్ణమల్లే ఉంటుంది. కొంచెం బజ్జో పెట్టే స్వభావం కూడా ఉంది.

పై పాటలో రెండు విషయాలు ప్రముఖంగా ప్రస్తావిస్తాను. 1) సాధనా సర్ గమ్ గొంతు. అతి మధురమైన గొంతు కలిగిన గొప్ప గాయని ఈమె. ఎంత శృతి సుభగం గాఉంటుందో ఈవిడ స్వరం. ఏమైనా హిందుస్థానీ గాయకులకు ఈ శ్రుతి మీద విపరీతమైన పట్టు ఉంటుంది. ఇంకా ఈమె పాడిన కొన్ని గొప్ప పాటలు ఉన్నాయి. అలాగే vintage జేసుదాస్ గారు.

2) వాయిద్య సమ్మేళనం. ఎంతో అనుభవముంటేనే ఆ optimum use, brevity సాధించగలుగుతారు. విద్యాసాగర్ has mastered the art of composing interludes అనటంలో సందేహం లేదు.

ఎమ్మెస్ పాడిన ’జో అచ్యుతానంద’
శ్రీరంగం గోపాలరత్నం గారు పాడిన ’నమో నారాయణ నా విన్నపమిదిగో’- కాపిలో సమ్మోహన పరిచే గీతాలు.

బృందావన సారంగము-ఉద్యానమున వీర విహారము.

2010-10-30T04:47:00.000-07:00

బృందావన సారంగ రాగం ఇంపుగా ఉంటుంది. శుభకార్యపు సందడి లాగా మురిపిస్తుంది. కొంచెం హిందుస్థానీ రాగంలాగా అనిపిస్తుంది.

వెంటనే గుర్తుకు వస్తుంది ’చూపులు కలసిన శుభవేళ’. రాజేశ్వర రావు+ ఘంటసాల+ లీల. ఇంతకంటె మరి గానము గానము. ముఖ్యంగా ఉద్యానమున వీర విహారము అన్నమాట విని నవ్వు వస్తుంది. ఘంటసాల గొంతు. అబ్బ. ఎంత majestic గా ఉందో.

ఒక కన్నడ పాట డా. రాజకుమార్,వాణీ జయరాం పాడినది-కవిరత్న కాళిదాస సినిమాలోది. ఈ పాట నాకు చాలా ఇష్టం. ఎం రంగారావు ఈ సినిమాకు అద్భుతమైన సంగీతం సమకూర్చారు. రాజకుమార్,మన జయప్రద.

ఈ పాట కూడా బాగుంది. typical ఇళయరాజా బాణీలో.

శ్రీరంగపుర విహార’ ప్రసిద్ధమైన ముత్తుస్వామి దీక్షితులు వారి కీర్తన.

ఇంకా మయూరి సినిమాలో ’ఇది నా ప్రియ నర్తన వేళ’ అన్న పాట బాగుంటుంది. బాలు కట్టిన బాణీ బాగుంది. కానీ music అవసరాన్ని మించి ఉంది.

నది గొంతులో అలపాట

2010-10-19T23:11:00.000-07:00

మండుటెండలో చలివేందర కనిపించి దాహం తీరితే కలిగే ఆనందం. ’ఒకమనసుతో ఒక మనసుకి ముడి ఎట్టా వేస్తావు’. ఈ పాట వింటే నాకు కలిగింది.

ఒక్కోసారి మంచి పాటలు చెవినపడటం ’serendipity' అనుకుంటాను.

రాగం కళ్యాణి. రాగలోకానికి మకుటం ఉన్న మహారాణి. పూర్ణమద: పూర్ణమిదం. అన్నట్టుగా పరిపూర్ణమైన రాగం.

కీరవాణి, మహాలక్ష్మి అయ్యర్ పాడారు. ఈ అబ్బాయి చాలా మంచోడు అనే ఒక రవితేజ సినిమాలోది. కీరవాణి పాడితే నాకు నచ్చదు కానీ ఈ పాట అతను బాగానే పాడాడు అనిపించింది.

పాట సాహిత్యం హృదయంగమంగా ఉన్నది. కవితాత్మకత ఉట్టి పడుతోంది. సాధారణంగా పాట సాహిత్యంలో సంక్లిష్టత, అస్పష్టత కొంచెం ఎక్కువైనా నా mind blank అవుతుంది. పాటలోని కొన్ని మాటలు ఇలా ఉన్నాయి.

’పసిపాపలో ముసినవ్వులా కపటాలు లేని ప్రేమ
మునిమాపులో మరుమల్లెలా మలినాలు లేని ప్రేమ’

’అరచేతిలో నెలవంకలా తెరచాటులేని ప్రేమ
నదిగొంతులో అలపాటలా తడబాటు లేని ప్రేమ’

thanks కీరవాణి & చంద్రబోస్.

రేవతి + కీరవాణి + శంకర్ మహదేవన్

2010-09-17T06:39:00.000-07:00

ఎప్పటినుంచో ఈ పాట పైన ఒక టపా వ్రాదాము అనుకుంటున్నాను.

శ్రీ రామదాసు సినిమాలోని ’ఏ మూర్తి’పాట ఒక masterpiece అని అనుకుంటాను.
శంకర్ మహదేవన్ గొంతులో నాకు నచ్చిన సుగుణాలు 1) శ్రుతి. 2) శ్రావ్యత 3) స్పష్టత. కొడితే కొట్టాలిరా సిక్సు కొట్టాలి ఒకప్పుడైతే బాలు గారు పాడాలి. ఇప్పుడు శంకర్ పాడాడు. మరొకరి గొంతులో బాగుండదు.

ఇంకా కీరవాణి ఈ పాటను రేవతి లో స్వరపరచటం నాకు బాగా నచ్చింది. పాట సాహిత్యం కూడా చాలా గంభీరంగా విలక్షణంగా ఉంది. పాట బాణీ 'un-keeravani-esque' గా ఉంది. రామదాసు సినిమాకే తలమానికం వంటి పాట ఏమూర్తి పాట.

రేవతి మంచి vibrant రాగం. ఒక healing touch ఉన్న రాగం. ఎప్పటినుంచో ఒక పూర్ణకుంభం లాంటి పాటకోసం ఎదురుచూశాను. ఈ పాటతో ఆ కోరిక తీరింది.

ఈ రాగంలో నాకు నచ్చిన కొన్ని పాటలు :

’మానసవీణ మధుగీతం’- పంతులమ్మ (పాట పల్లవి, మొదటి చరణం వరకు రేవతి)
’నానాటి బతుకు నాటకము’

ఇంకా ఝుమ్మందినాదం సై అంది పాదం, ఓ బంగరు రంగుల చిలకా పలకవే, అభినవ శశిరేఖవో,ఉదయకిరణ రేఖలో etc.. ఉన్నాయి . don't quite make the grade.

వెంకీ చెబితే వినాలి.

2010-09-08T04:45:00.000-07:00

నాకు ఈ మధ్య వెంకటేశ్ తో తీసిన మణప్పురం గోల్డ్ లోన్ ప్రకటన బాగా నచ్చింది. వెంకటేశ్ తన నటనను చక్కగా మెరుగుపరుచుకున్నాడు. i simply loved him in this ad. simple yet effective.

మూణ్ణెల్ల క్రితం ఉద్యోగంలో స్థానాంతరణ చెంది బోధన్ లో ఉంటున్నాను. బ్లాగ్ లు చూడలేకపోతున్నాను. వర్షాలు విపరీతంగా కురుస్తున్నాయి. నిజామాబాద్ జిల్లాలో ఎటుచూసినా పచ్చటి పొలాలు. నేత్రపర్వంగా ఉంది.

బ్లాగ్లోకం సూపర్ నోవాలాగా విస్తరిస్తుంది. ఈ వేగం నేను అందుకోలేనని అనిపిస్తుంది.

సింధుభైరవి+ బాలు గారు + విశ్వరూప విన్యాసం

2010-06-19T10:07:00.000-07:00

బాలు గారి గొంతులో ఉరకలెత్తిన ఒక పాట. ఎమ్మెస్వీ సంగీతం. అయ్యా? సింధుభైరవిలో వరద గోదారి లాంటి బాణీ కట్టడం? బాలు అన్న ఇలా గొప్పగా పాడటం

-- విన్నతరువాత ఎదలో నిశ్శబ్ద జలపాతం.

సింధుభైరవి pathos బాగా పలికిస్తుంది. ఎన్నో నదులను కలుపుకునే సముద్రం లాంటి లోతైన రాగం.

నీ పేరు తలచినా చాలు. ఈ పాటవిన్నతరువాత ఒక అరగంట సేపు ’ఏవిటిది? ఏదో తెలియనిదీ? ఎప్పుడూ జరగనిది ఏవిటిది’ అన్న భావం చాలాసార్లు నాకు కలిగింది. నిజంగా నిజం.

’మామ’ కు ఇష్టమైన రాగమని ఎక్కడో చదివాను.

శ్రీరంగం గోపాలరత్నం గారి గొంతులో ఈ అన్నమయ్య సంస్కృత పదం సకలం హే సఖి--ముఖ్యంగా ’చారు కపోల స్థల కరాంచిత విచారం హే సఖి జానామి’

ఈ పదచిత్రం వింటే అలా చక్కటి చెక్కిలిపై చేయి చేర్చి శ్రీనివాసుని కోసం ఆలోచిస్తున్న అలమేలుమంగ రూపం స్పురిస్తుంది. జయదేవుని శైలి ఈ అన్నమయ్యపదంలో కనిపిస్తున్నది.

సింధుభైరవి విన్నంతసేపు మనస్సు గడ్డ కట్టిందో కరిగిపోయిందో ఇట్టె అర్థంకాదు.

ఝుమ్మంది నాదం- ఒక హింసాలోకనం

2010-06-12T10:36:00.000-07:00

ఝుమ్మంది నాదం పాటలు విన్నాను. ఈ ఆల్బమ్ లో ముఖ్యంగా కీరవాణి పాడకపోవటం ముదావహం. ’సరిగమపదనీ సప్తస్వర’ అనేపాటలో ఏ కొత్తదనమూ లేదు. ’నా పాట పంచామృతం’ పాటనే పునరాచమనం చేసినట్టుంది.

’లాలి పాడుతున్నది గాలి’ పాట పరవాలేదు. బాలు బాగా పాడారు. గీతామాధురి has to improve. ఈమె అనే కాదు కొత్త గాయకులు open voice తొ పాడటంలేదు. కొన్ని మాటలు మింగుతున్నారు. ఒకటే తారకమంత్రం. బాలుగారు ఎలా స్పష్టంగా పాడుతారో గమనించి నేర్చుకోవాలి.

’గోవిందా హరి గోవిందా’ ఈ పాట ఆల్బమ్ లోని పాటలలో మళ్ళీ వినాలనిపించిన రెండో పాట. బాలు అన్నా! హై పిచ్చిలో గొంతు strain అవుతున్నాది.

’ఏం సక్కగున్నావ్ రో’ పాట orchestrization ఏమీ బాగలేదు. కొంచెం హిందోళం నుంచి చంద్రకౌన్స్ లోకి మారింది చరణాలలో.అయినా not ok. అతి పాత బియ్యంతో వండిన అన్నం తిన్నట్టు ఉన్నాది. గాయకులిద్దరికి చలి తెల్లవారు జామున ఆరుబయట తడిబట్టలతో సంగీతం నేర్పాలి. అప్పుడయినా గొంతు తెరిపిడి పడుతుందేమో.

’సన్నాయి మోగింది’ కీరవాణి భయ్యా ఎంచేపూ హిందోళమూ, మధ్యమావతేనా. విసుగు పుడుతున్నాది. వెరసి waste song.

'దేశమంటే’ పాట బాలు అన్న ఒక ఇరవై ఏళ్ల క్రితమైతే strain లేకుండా పాడేవాడు. అనవసరంగా పాటలో హై పిచ్చి బాణీ జొప్పించినట్టు అనిపించింది.
రంజిత్ బాగా పాడతాడు. ’ఏక్ నిరంజన్’ is proof of that. ’నిగ్రహం’ పాట చండాలంగా ఉంది.

surprise surprise: ’ఎంత ఎంత చూడనీ’ pick of the album. కృష్ణ చైతన్య. అరె. బాగా పాడాడే.కీరవాణి గారు.thank you. only for this song.

మొత్తానికి 80 %పేలవమైన నిస్సారమైన సంగీతం మాత్రమే ఉంది ఈ ఆల్బం లో.

advice : 'ఎంత ఎంత’ పాట విని off చేయవచ్చు.

పచ్చాని పైరుమీద బాసచేసి చెబుతాను- పాట నచ్చిందని

2010-04-25T10:38:00.000-07:00

ఖైదీ బాబాయ్ సినిమాలోని ’ఓరబ్బీ చెబుతాను’ పాట బాగుంటుంది.

సినారె వ్రాసిన ఈ పాటలో కవితాత్మ కలిగిన రెండు మాటలు నాకు బాగా నచ్చాయి.

1) పండగ పూట ఒక నిండు నిజం చెబుతాను
2) పచ్చాని పైరుమీద బాసచేసి చెబుతాను. (ఈ మాటలు ఎంతో హృద్యంగా అనిపిస్తాయి)

సినారె వ్రాసిన ఎన్నో పాటల లాగే ప్రశ్న జవాబు రీతి లో పాట ఉంటుంది. ఘంటసాల జానకి గారు పాడిన విధానం పాటకు నిండుదనం ఇస్తుంది.
కెవి మహదేవన్ బాణీ చక్కగా ఉంది. కీరవాణి రాగ చాయవలె నాకు అనిపించింది.

ఏమైనా ఆ పాటలకున్న ఆత్మసౌందర్యం ఇప్పటిపాటలకు లేదు. అవును నిజం. నిక్కమగు నీలం లాంటి నిజం. కొంతమంది సినారె ను విమర్శించుదురుగాక. ఆయన నాకు అభిమాన కవి. పండిత పామరులను ఏకకాలంలో రంజింపజేసే రచనలు ఆత్రేయ, సినారే చేసినారు. వేటూరి, సీతారామ శాస్త్రి గొప్పరచయితలే కావచ్చు కానీ సినిమా పాటకు ఎంత అవసరమో అంతమేరకే సంక్లిష్టత చూపగలిగే ఒడుపు ఆత్రేయ, సినారె దగ్గర ఉంది.

వసంతం - సుందరం సుమధురం

2010-03-29T06:32:00.000-07:00

ఈ రాగంలో పాటలు తక్కువే. అప్పుడప్పుడు సుందరమో సుమధురమో అన్నట్టుగా వినిపిస్తాయి.

ఈ పాట పల్లవి ఇలా ఉంది

సుందరమో సుమధురమో
చందురుడందిన చందన శీతలమో
మలయజ మారుత శీకరమో
మనసిజరాగ వశీకరమో

ok. పదాలు బాగున్నాయి. పాటకు packing materialగా ఉపయోగ పడినాయి.

సంగీతము, సాహిత్యము రెండు వేరువేరు plane లలో ఉంటాయి అనిపిస్తుంది. చెత్త బాణీలలో మంచి సాహిత్యం ఉంటే విడిగా చదువుకోవటం బెటర్. మంచి tune అయితేనేమో just swallows lyrics. అప్పుడైనా విడివిడిగా ఆస్వాదించాల్సిందే. ఎందుకంటె tune మాయలో పడి ఏపదాలు ఉన్నాయో జ్ఞప్తికి రాదు. అసలు సంగీతానికి మాటలు అవసరమా?

రెంటికీ చక్కని balance చేయటం పాతతరం వాళ్ళు బాగా చేసేవారు.

శుభోదయం చిత్రంలో నటనం ఆడెనే పాట, సాగరసంగమంలో నాదవినోదము అన్నపాటలోని కైలాసానకార్తీకాన హిమదీపం చరణం వసంతరాగంలో ఉన్నాయి.

నరసింహా సినిమాలో నీలాంబరి పాడిన ఈ పాట కూడా బానే ఉంటుంది.

vibrant రాగాలూ, pastel రాగాలూ-ధర్మావతి.

2010-03-13T10:10:00.000-08:00

రంగులలో లాగానే రాగాలలో కూడా vibrant రాగాలూ, pastel రాగాలూ ఉన్నాయని నాకు అనిపిస్తుంది. మూడోరకం in your face రాగాలు కొన్ని ఉన్నాయి. ఇది నేను సరదాగా విభాగం చేసుకున్నది. ప్యూరిటనులు please క్షమించగలరు.

vibrant రాగాలు ఇరుసంజల సూరీడి రంగు లాంటి గాఢతతో కమ్మేస్తాయి. లాగేసుకుంటాయి.

కొన్ని లేత రంగుల మల్లే కనిపించకుండానే కనిపిస్తాయి ఆకాశం రంగులాగా. ఇవి pastel రాగాలు.

ధర్మావతి ఒక ముదురు నేరేడుపండు రంగు లాంటి రాగం.(ఎందుకలాగ అనిపించింది అంటే ఏమో తెలీదు)

రహమాన్ సంగీతం ఇచ్చిన ఈ డబ్బింగ్ పాట గుర్తుకు వస్తుంది జెంటిల్ మేన్ సినిమాలోది. పిచ్చివాణ్ణి కట్టుకో నెత్తికేసి కొట్టుకో’(అసలు పాటలో కొంటెవాణ్ణి కట్టుకో అని ఉంటుంది.) ఇలా మార్చి పాడుకున్నా it makes no difference. రహమాన్ బాణీలు ఎందుకో నాకు nursery rhymes లాగా అనిపిస్తాయి. కొండొకచో విశృంఖలంగా కొండదారుల్లో ప్రవహించే నదుల్లాగా కూడా అనిపిస్తుంటాయి.

msv స్వరపరచిన ఈ పాట
హలో మైడియర్ రాంగ్ నంబర్ 70 లలో మంచి హిట్ పాట.

ధర్మావతిలో నాకు బాగా నచ్చిన పాట శోభారాజు గారు స్వరపరచిన గోవిందాశ్రిత గోకులబృందా అనే అన్నమయ్య కీర్తన.
over simplification అనుకోకుంటే : గౌరి మనోహరి రాగం లోనుంచి శుద్ధమధ్యమాన్ని మార్చి ప్రతిమధ్యమం చేరిస్తే ధర్మావతి వచ్చేసింది. శంకరాభరణం లో కూడా ఇదే మార్పుచేస్తే కళ్యాణి వస్తుంది

గౌరి మనోహరి-కొన్ని మంచిపాటలు

2010-03-11T23:00:00.000-08:00

నేను అమితంగా అభిమానించే ఒక రాగం గౌరి మనోహరి. ఎన్నో మంచి సినీ గీతాలు ఉన్నాయి ఈ రాగంలో. పంచదార తియ్యగా ఉంది. తేనె మధురంగా ఉంది అని చెప్పడము కంటే కొంత నోటిలో వేసుకుంటే తెలిసిపోతుంది.

రాజేశ్వర రావు గారు స్వరపరచిన ఈ రెండు పాటలు.

1) కన్నుల దాగిన అనురాగం - రంగుల రాట్నం -- పి.సుశీల, పి.బి. శ్రీనివాస్ గారల గానం.
2) నీ జిలుగు పైటనీడలోన నిలువనీ -పూలరంగడు - సుశీల, ఘంటసాల గానం

msv సంగీతం కూర్చిన పెళ్ళీడు పిల్లలు చిత్రంలోని ’ పరువపు వలపుల సంగీతం’ పాట వింటే సుశీలగారి గానమాధుర్యం అవగతమవుతుంది. ఆమె కోసమే ఆపాట పుట్టింది. ఆవిడే పాడాలి. అదంతే.

సుశీలగారే పాడిన ’ఎవరో రావాలీ’ పాట మామ సంగీతంలో ప్రేమ నగర్ చిత్రంలో. ఇది కొంచెం కష్టమైన పాట.

ఇంకా సితార చిత్రం లోని ’వెన్నెల్లో గోదారి అందం’ ఇదే రాగంలోని మరొక ప్రసిద్ధమైన పాట.

ఇలా ఒకే రాగంలోని పాటలు వరుసగా వింటే మెలకువగా ఉంటూనే ఒకవిధమైన నిద్రలోకి జారుకోవటం జరుగవచ్చు. ఒక కొంచెం సేపు అన్నీ మరిచిపోవచ్చు.

ఈ రాగానికి దగ్గరగా ఉండే మరొక మేళకర్త రాగమైన ’ధర్మావతి’ లో పాటల గురించి మరొకసారి వ్రాయాలని ఉంది.

యమునా కళ్యాణిలో మ్రోగింది వీణ-thanks g.k.v.

2010-03-04T07:26:00.000-08:00

జి.కె.వెంకటేష్ గారిని అమితంగా అభిమానిస్తాను నేను. దానికి రెండు కారణాలు. 1) స్వత: గొప్ప సంగీతదర్శకుడు. 2) ఇళయరాజా కు గురువు గారు అయినందుకు. ఆయన జమీందారు గారి అమ్మాయి సినిమాలో స్వరపరచిన ఈ గీతం తెలుగు సినీ సంగీతంలోనే శాశ్వతంగా నిలిచిపోయే పాట. సుశీలగారి గొంతులో ఉన్న మాధుర్యం చెప్పనలవికాదు ఈ గీతంలో . పాటలో వీణ, violins, flute ఉపయోగించినతీరు గొప్పగా ఉంటుంది. ఈ stamp ఇళయరాజా సంగీతంలో మనకు తరచుగా కనిపిస్తుంది. he has taken this style to an altogether highest level.

జి.కె కు సరైన tribute రాలేదని నా ఉద్దేశ్యం. కన్నడంలో ఆయన బాగా పాపులర్ అయ్యారు. ఆయన compose చేసిన మరికొన్ని మంచిపాటల గురించి వ్రాయాలని నా కోరిక.
ఇదే పాట బాలుగారి గొంతులో కూడా ఇక్కడ వినండి. ఇందులోని orchestrizationలోని వైవిధ్యం గొప్పగా ఉంటుంది.
యమునా కళ్యాణి రాగంలో ఈ పాటను మించే composition రాదు.

thanks G.K.Venkatesh గారు.

ఇళయరాజా టాప్ 10 పాటలలో ఒక్కటి

2010-02-23T07:10:00.000-08:00

అవతారం అనే తమిళ్ చిత్రంలో ఒక ethnic/rustic flavourతో ఇసైగ్నాని స్వరపరచి జానకి గారితో కలిసి పాడిన ఈ పాట వినండి. నా దృష్టిలో ఇది రాజా top 10లో ఉండాలి. ఈ సినిమాకు నటుడు నాజర్ దర్శకుడు. పాట చిత్రీకరణ కూడా బాగుంటుంది. ఇది ఏరాగమో నేను గుర్తించలేక పోయినాను. కానీ జాలంలో వెతికితే జోన్ పురి అని తెలిసింది. సువర్ణసుందరి సినిమాలో ’హాయిహాయిగా ఆమనిసాగే’ పాటలో ’చూడుమా చందమామ’ అన్న చరణం ఈ రాగంలో ఉన్నట్టు శంకా గారి లిస్టులో చూచాను. లోహాన్నైనా పుత్తడిగామార్చే ఆల్కెమీ రాజాకు తెలుసు.

’హంసనాదం’ లో ఈ రెండు పాటలు

2010-02-20T02:19:00.000-08:00

ముందు ’ఈ పాట’ తదుపరి ’ఇదీ’ వినండి. చిత్రీకరణను పట్టించుకోవద్దు.
హంసనాదం రాగాన్ని ఇళయరాజా చాలా చక్కగా ఉపయోగించుకున్నాడు. ముఖ్యంగా రాజా సంగీతంలో percussion instruments కు ఒక విశిష్టత కనిపిస్తుంది. ఎన్నిరకాల beats సృష్టించాడో. పైరెండు పాటలలో beat ను గమనించండి. హంసనాదంలో నాకు తెలిసి ’నీవు నేను వలచితిమీ’ అన్న బాలమురళి-సుశీల గార్లు పాడిన పాట కర్ణ సినిమాలో ఉంది. ఎమ్మెస్వీ సంగీతంలో. చాలా హృద్యమైన రాగం. బంటురీతి కొలువియ్యవయ్యరామ ప్రసిద్ధ కీర్తన.

ఒక చిన్నమాట:అంతగా హిట్టవ్వని ఒక చిరంజీవి సినిమాలో కూడా రాజా హంసనాదంలో ఒకగీతం స్వరపరిచాడు. tune బాగుంటుందికానీ వేటూరి మసాలా లిరిక్కులు.

బాలమురళి + ఇళయరాజా + రీతిగౌళ = ఒక మంచి పాట

2010-02-18T09:52:00.000-08:00

ఈ అపురూపమైన పాట వినండి. బాలమురళీ, ఇళయరాజా ఇంకా కొన్ని పాటలకోసం కలిసి పనిచేసిఉంటే ఎంతబాగా ఉండేదో అనిపిస్తుంది. అసలు బాలమురళి గొంతును సినీపరిశ్రమ సరిగా వినియోగించుకోలేదు. అదొక తీరని వెలితి. నా పామరభాషలో ఒక విషయం ..
గొప్పగాయకులకు పాట (మధ్యలో వచ్చే సంగతులు కూడా) టేకాఫ్ ఎలా చేయాలి లాండింగ్ ఎక్కడచేయాలి అన్న విషయంమీద గట్టి పట్టు ఉంటుంది. నేను విన్నంతలో బాలమురళి, ఘంటసాల గారలకు ఈ విషయం లో సంపూర్ణ ఆధిపత్యం ఉంది.
ఈ రీతిగౌళ లోనే ఏదో లాగేసుకునే మాయ ఉంది (ఇదే విధంగా చాలా రాగాలవిషయంలో నాకు అనిపిస్తుంది). ఇప్పటికి ఇదిసత్యం. ఇదే సత్యం. ఇంతమంచి పాటలను కొత్తతరంవారు కూడా వినాలని నాకోరిక. ఏపాట అయినా సంగీతాన్ని, సాహిత్యాన్ని విడివిడిగానే ఆస్వాదించగలిగిన పరిమితశక్తి మాత్రమే నాకుంది. టీనేజీలో వింటూ పెరిగిన తమిళ్ పాటలు శాశ్వతంగా మనస్సులో తిష్ట వేశాయి. బ్లాగులో అభిమానించే విషయాలు వ్రాసుకుంటె అది ఒక తృప్తి.

కొసాకి : ఇదే రాగంలో శేషశైలావాస గీతం, రామాకనవేమిరా పాట అందరికీ సుపరిచితమే.

పూనకం జాతరలకు ముచ్చటయిన పేర్లు.

2010-02-15T03:14:00.000-08:00

ఇప్పుడు జరుగుతున్న ఉద్యమాలలో జాతరలకు కొన్ని పేర్లు ప్రాచుర్యంలోకి వచ్చినాయి.

ధూంధాం. పొలికేక. ధబేల్ ధుభేల్. ఇదే వరుసలో మరికొన్ని. (సరదాగా మాత్రమే నని మనవి.)

గావుకేక/ సావు కేక/బ్రేవు కేక (రకరకాలుగా కేకలు పెట్టాలి)
మల్లీ మల్లీ లొల్లి (ఎంత ఎక్కువ లొల్లి చేస్తే అంత మంచిది)
తుపుక్ తుపుక్ (ఇది కేవలం రోడ్లపై నిర్మొహమాటంగా, నిర్దాక్షిణ్యంగా ఉమ్మేవారికే పరిమితం)
జజ్జినకరి (గజ్జెలు కట్టి నృత్యాలు చెయ్యాలి)
భంచిక్ భం
చిందు విందు మందు
పెడబొబ్బ (అందరూ గట్టిగా పిచ్చిగా కేకలు వేయాలి)
పుయ్యాం పుయ్యాం (కేవలం వాహనాల హారన్లు మ్రోగించటం ద్వారా నిరసన తెలపటం)
గోల రే గోల (గోలగా గొడవగా గందరగోళం తతంగం చేయటం)

కొవ్వొత్తులకు తీవ్రకొరత ’బస్సు’ చీకటిలో రాష్ట్రం

2010-02-10T23:30:00.000-08:00

కొవ్వొత్తుల ప్రదర్శనలు ఎక్కువయ్యినాయి.
గాలి వీస్తున్నప్పుడు అవి వెలిగించి నడవాలంటే కష్టంగా ఉంది
కరిగిపోయి చేతులు కాళ్ళమీద పడటం ఒకటి.
ఆరిపోతే మాటిమాటికి వెలిగించుకోవటం ఇంకొకటి.

జాగ్రత్తగా ఎదుటివారికి తగలకుండా నడవాలి.
ఏమైనా ఇది ఒక మంచి సంప్రదాయం.
దూరంనుంచి ఫోటోలు తీసుకుంటే బాగుంటుంది.

ఉద్యమాలతో కొవ్వొత్తులవ్యాపారం జోరందుకుంది.
ఎగ్జిబిషన్ జైళ్ళ స్టాలులో కూడా కొవ్వొత్తులు అమ్ముతున్నాయి.
దిష్టిబొమ్మలవ్యాపారం కూడా దినదినాభివృద్ధి చెందుతున్నది.
పశువులకు గడ్డికొరతగాఉంది.
ఈ సమస్యలకు ప్రభుత్వమే బాధ్యత వహించాలి.

దాదా , మామ వెకిలి చేష్టలు

2010-02-04T04:28:00.000-08:00

ఐన్యూసు దాదా పిన్ కౌంటర్ లోని గొంతు ఇప్పుడు ఎన్ టీవీలో మామగా వినిపిస్తోంది. 3-2-10 తారీఖున నా ఖర్మకాలి మామామియ్యా అనే నీచమైన కార్యక్రమం చూచాను. అమర్ సింగ్, జయప్రదల గురించి మాస్ మల్లయ్య అనే వెకిలి బొమ్మతో అనిపించినమాటలు చాలా అసభ్యంగా ఉన్నాయి.

ఏమిటీ నికృష్టమైన జర్నలిజం? పాపం. వాళ్లను ఇంటర్వ్యూ చేస్తున్నట్టు ఏవో ప్రశ్నలు అడగటం. ఏదో సందర్భంలో వాడినమాటలను కట్ చేసి తాను కొత్తగా కొన్ని వెకిలి / అసభ్య/అవమానకర ప్రశ్నలు వేయటం. అక్కడ పేస్ట్ చేయటం. ఈసడించుకుంటూ, తీసిపారేస్తు పిచ్చి కామెంట్లు చేయటం. ఇదీ ఈ కార్యక్రమం నడిపే తీరు.

ఒకపురుష రాజకీయనాయకుడికి ఒక స్త్రీ బాసటగా ఉండటం ఏ విధంగా నేరం. కేవలం అక్రమసంబంధమే వారిమధ్య ఉండాలా? వాళ్ళూ మనుషులే కాదా?

అంతక్రితం దాదా దీ అదే తీరు. ఇలాంటి హద్దుమీరిన స్వాతంత్ర్యం చానెళ్ళకు ఎవరిచ్చారు?

ఈ నీచమైన దాదా , మామా కారెక్టర్లను తయారుచేయటం తెలుగుచానెళ్ళ దిగజారుడు మెట్లలో ఒకటి.

ఒక కొంచెం మోదం ఇంచుక ఖేదం.

2010-01-27T03:36:00.000-08:00

నేను అమితంగా అభిమానించే గొప్ప కళాకారులకు ’పద్మ’ బహుమతులు లభించటంతో ఆనందం పట్టలేకపోతున్నాను.
గత సంవత్సరం గానకోకిల ’సుశీల’ గారికి పద్మభూషణ్ లభించటంతో ఎంతోకాలంగా మనసులోఉన్న వెలితి తీరింది. అలాగే జానకి గారికి ఇవ్వాలి. ఆమెకు తమిళనాడు వారే బహుమతివచ్చేలా చూస్తారని నాకు నమ్మకమున్నది.

.
ఈ ఏడాది ఇసైగ్నాని ఇళయరాజాకు పద్మభూషణ్ ప్రకటించారు. చాలా సంతోషం. ఆయన స్థాయికి ఇంకా దాదాసాహెబ్ అవార్డు, భారత రత్న కూడా ఇవ్వాలి

అలాగే అన్నమయ్య పాటకే జీవితం అంకితం చేసిన శోభారాజు గారికి పద్మశ్రీ ఇవ్వటం ఆనందంగా ఉంది. ఇంకా బాలకృష్ణప్రసాద్ గారికి కూడా పద్మశ్రీ ఇవ్వల్సిఉంది.

అయితే ఒక వెలితి నాలో దాగిఉంది. కర్ణాటక సంగీత ప్రపంచానికే మహరాజు అయిన బాలమురళిగారికి భారతరత్న ఇవ్వటం ఇక ఏమాత్రం ఆలస్యం చేయకూడదు. వచ్చే ఏడాది కేంద్రప్రభుత్వం పై మన ముఖ్యమంత్రి ఒత్తిడి తీసుకురావాలి. ఆయన ఆనందంగా నవ్వుతూ ఆరోగ్యంగా ఉండి స్వంతంగా తీసుకోగలిగినప్పుడే భారతరత్న ఇవ్వాలి. పండిట్ భీమ్సేన్ జోశీకి ఇచ్చారు. ఆయనకంటే ఎంతో పైస్థాయికి చెందిన బాలమురళి కి ఇవ్వకపోవటం ఏమాత్రం ఆమోదయోగ్యంకాదు.

ప్ర్జజల రివార్డులే అవార్డులు అన్నమాట నిజమే అయినప్పటికినిన్నీ ఇటువంటి ఉత్తమశ్రేణి కళాకారులను సముచితంగా గౌరవించుకోవటం మనబాధ్యత. సరియైనసమయంలో వారిని సమ్మానించకపోవటం మహాపరాధమే.

ఓ గందరగోళం డ్యూయెట్టేసుకుందామా?

2010-01-22T09:27:00.000-08:00

నువ్వేకావాలి సినిమా నుంచి అనుకుంటా. నువ్వు, నేను, ప్రేమ పదాలతో పుంఖానుపుంఖంగా పాటలు పుట్టుకొచ్చినాయి.
సీతారామశాస్త్రి ఈ తరహా పాటలకు ఆద్యుడు. అదే స్ఫూర్తితో నేను కూడా ఒక పాట వ్రాశాను. శాస్త్రిగారి అభిమానులు దయచేసి సీరియస్ అవ్వద్దు. సరదాగా తీసుకోండి.

నువ్వే నేనా, నేనే నువ్వా?
వారెవ్వా దీనిపేరే లవ్వా?

నేనే నువ్వై పోయానా?
నేనసలు మిగిలున్నానా?
నువ్వయినా మిగిలి ఉన్నావా?
(ఇద్దరూ మిగలకపోతే ఇంకేమిటి మిగిలేది బూడిద)

నేను పోయానా?
నువ్వు ఐ పోయావా?
పోతే పోయాములే . కలిసే బ్రతికి చస్తాములే.
(వామ్మో! ఇద్దరికీ కలిసే తద్దినం పెట్టొచ్చు)

నువ్వులేక నేను లేనని నాకు బాగా తెలుసు?
నేను లేక పోతే నువ్వు సుబ్బరంగా ఉంటావని నీకే తెలీదు.
ఏమయ్యిందో తెలియదు ఇద్దరికీ.
ఇలాగే ఉంటాం ఎన్నటికీ
(ఇంకా మూడొందలు ఇలాంటి ప్రేమగాయాలు చేసుకోవద్దూ)

ఇది కలా నిజమా?
నిజమైన పీడకలా?
నీకు నేనుకాని నాకు నువ్వుకాని దొరికితే
ప్రేమకాకుల్లా ఎగిరిపోదాం ఎక్కడికైనా
(చివర్లో ఒక్కసారి బ్రహ్మానందం అయోమయం ఫేస్ ఊహించుకోండి)

సిక్కిం లో ఐదు రోజులు-1

2010-01-20T06:44:00.000-08:00

గతవారంలో సిక్కిం రాష్ట్రానికి వెళ్ళటం జరిగింది. అక్కడి కొన్ని అంశాలు ప్రస్తావిస్తాను.

1) ముఖ్యంగా సిక్కింలోని cab drivers అక్కడి కొండలలోని బాగా దెబ్బతిన్న రోడ్లలో ప్రతిరోజూ జీవికకోసం బండిని నడపటం మనసుపై ముద్రవేసింది. ఒక రోజు చాంగో సరస్సు, నాధులా పాస్ వద్దకు వెళ్ళాము. our cab driver was quite a character. For no apparent reason, he was ecstatic. సగం గడ్డకట్టిన చాంగో సరస్సు ఒడ్డున అతన్ని చూడండి.

2) నాథులా బార్డర్ 14700 అడుగుల ఎత్తులో ఉంది. చలికాలం అవటం మూలాన -3 డిగ్రీలు ఉంది. అక్కడ మన ఆర్మీ వాళ్ళు కష్టమైన వాతావరణంలో పహరా కాస్తున్నారు. దగ్గరలోనే చైనా సైనికులు కొరకొరమని చూస్తున్నారు. వాళ్ళను photo తీయొద్దని మనవాళ్ళు చెప్పారు.

3)ఒహోం ఒహోం అనుకుంటూ గడ్డకట్టే చలిలో యం థాంగ్ లోయలోకి వెళుతూ
4) ఉత్తర సిక్కింలో తీస్తా నది వడివడిగా పరుగులు తీస్తూ..

సిక్కింకు వెళ్ళినతరువాతే టిబెట్ ఎంతముఖ్యమైన ప్రదేశమో కొంత అవగాహన వచ్చింది. తీస్తా, బ్రహ్మపుత్ర నదుల పుట్టినిల్లు టిబెట్. అపార ఖనిజవనరులకు స్థానంకూడాను. చైనావాడు అందుకే భల్లూకంపట్టు పట్టాడు. జలవిద్యుత్ ఉత్పత్తికి అపారమైన అవకాశం ఉంది ఈ పర్వత రాష్ట్రంలో. ఇప్పుడిప్పుడే మనవాళ్ళు రోడ్లు బాగుచేస్తున్నారు. ఇప్పుడు ఉన్న పర్వత రహదారుల్లో ప్రయాణమంటే గుండెలు అరచేతిలో పెట్టుకొని వెళ్ళాల్సిందే.

ఒక వేర్పాటువాది పశ్చాత్ ప్రకోపం

2010-01-06T02:54:00.000-08:00

ఒక వేర్పాటువాది పశ్చాత్ ప్రకోపం

బండచప్పుడు

నా ఆత్మగౌరవసమస్య

మీరు ఆత్మహత్య చేసుకోండి

మీ ముఖాలు మండా

నేను వెనుకబడి ఉన్నా

దోచుకు తిన్నారుకదరా?

పురుగన్నం మీరుతిని పెరుగన్నం మాకు పెట్టండి.

చీమవెధవల్లాలా! పుట్టలెందుకు పెట్టారు?

పాములం మేమొస్తున్నాం పారిపొండెహె

నువ్వు మాట్లాడేది తెలుగా?

నాకు బూతులే చాతనవు

లేదా ఉర్దూ మరాఠీ లో ఏడు.

అన్నీ నిజాలే చెబుతున్నా

అన్నీ మా నిజామే కట్టించాడు

మావోహక్కులసమితికీ జై కొడతా

మంచి చెబితే మంట బెడతా

బందు పెడతా బొంద పెడతా