Saturday, October 1, 2022

పొన్నియిన్ సెల్వన్-1 చిత్రం - ఒక సమీక్ష



పొన్నియిన్ సెల్వన్ చిత్రం ఎలా ఉంది ? Jury is still out. 

తమిళ వార పత్రిక కల్కి 1941లో ప్రారంభం అయ్యి ఇప్పటికీ కొనసాగుతున్నది. ఈ పత్రిక సహ వ్యవస్థాపకుల్లో ఒకరైన ' కల్కి ' కృష్ణమూర్తి 1950-54 కాలం లో ' పొన్నియిన్ సెల్వన్ ' అనే ధారావాహిక వ్రాశాడు. అది బహుళ ప్రజాదరణను నోచుకుంది. 1955 సం. లో 2210 పేజీల బృహన్నవల ఐదు సంపుటాలుగా ప్రచురించ బడింది. 

చోళ సామ్రాజ్యపు రాజుల జీవితం ఆధారంగా వ్రాయబడిన ఒక కాల్పనిక గాధ.

ఈ బృహత్కథ ను సినిమా గా తీయాలని ప్రఖ్యాత దర్శకుడు మణి రత్నం చాలా ఏళ్లుగా ప్రయత్నం చేస్తున్నాడు. ఇన్నేళ్ల ప్రయత్నాలు ఫలించి ఇప్పటికి ఈ కథను చిత్ర రూపం లోకి తీసుకు వచ్చాడు. రెండు భాగాలుగా వచ్చిన బాహుబలి గొప్ప విజయం సాధించడం ఒక మార్గం చూపింది.

ఈ చిత్రం రెండు భాగాలుగా తీయాలని నిర్ణయించాడు. మొదటి భాగం నిన్న విడుదల అయ్యింది. 

సినీ దిగ్గజాలు పనిచేసిన Period movie అన్న కుతూహలం కొద్దీ PS-1 తెలుగు అనువాద చిత్రం చూశాను. కొన్ని అభిప్రాయాలు.

సినిమా చూసిన తరువాత కలిగిన అభిప్రాయం. బాగుంది. అయితే కొంత అస్పష్టత ఉంది. మూల కథ, పాత్రలు మనకు తెలియక పోవడం వల్ల కొంత గందరగోళానికి గురి అవుతాము. 

వెంట వెంటనే వచ్చే పాత్రలు వారి backstories ప్రేక్షకులకు అర్థం అయ్యేలా చెప్పడం వారి బాధ, ఆకాంక్ష లను ప్రేక్షకుడు feel అయ్యేలా చేయగలగడం చాలా ముఖ్యం. అది కొంత miss అయ్యాడు మణి రత్నం అనిపించింది. అయితే ప్రముఖ నవల ఆధారం గా తీయడం వలన కథ విషయంలో deviate  అయితే చాలా విమర్శ వస్తుంది. నవలలను సినిమాలు గా adapt చేయడం అంత తేలిక కాదు. Writer's vision and director's vision may not always match. This happened in case of the iconic movie Guide. It was a very well made movie. Still RK Narayan felt that the movie was a poor adaptation of his novel.

Mani wanted to be faithful to the novel.  

కథలోని పాత్రల ఉద్వేగాలను ప్రేక్షకుడు అనుభవించే లాగా చేసే ఒడుపు, పాత్రలతో పాటు travel చేయించే నేర్పు రాజమౌళికి బాగా తెలుసు. 

ఒక interview లో పొన్నియన్ సెల్వన్ ఒక వెబ్ సీరీస్ గా తీయాలని అనుకున్నట్లు కూడా చెప్పాడు రాజమౌళి. అయితే మణి రత్నం ముందుగా ప్రకటించాడు.  రాజమౌళి was right. This elaborate and complex story is more suitable for web series. Still finding producer for a Magnum opus web series may not be easy. 

సినిమా లో విక్రమ్, శరత్ కుమార్, ఐశ్వర్య రాయ్, రహమాన్ వంటి 50-65 ఏళ్ల నటులను యువకుల పాత్రలకు ఎంచుకోవడం అతకలేదు

The actors, though very competent, are too old to play those characters. 

కొన్నేళ్ల క్రితం వచ్చిన గౌతమీ పుత్ర శాతకర్ణి కూడా ఒక మంచి చిత్రం. అయితే balakrishna was too old to play the character of a young warrior king in that movie.

కొన్నేళ్ల క్రితం విజయ్,  మహేశ్ బాబు లతో ఈ చిత్రం తీయాలని మణి రత్నం అనుకున్నాడు అని తెలుస్తోంది.

కార్తీ, జయం రవి వారి పాత్రలకు బాగా సూటయ్యారు. Both did really well. Another notable performer is veteran actor Jayaram as Vaishnava Brahmin who played the part with authenticity. కార్తీ జయరామ్ మధ్య వచ్చే సన్నివేశాలు అలరిస్తాయి.

విక్రమ్ అపరిచితుడు mode లో చెప్పే monologues , his screams to express anguish don't really strike a chord with viewers.

చిత్రం లో అక్కడక్కడ వచ్చే short conversations లో మణి రత్నం ముద్ర కనిపిస్తుంది.

చిత్రం చివర్లో వచ్చే ఓడ మీద యుద్ధం దృశ్యాలు అంత గొప్పగా లేవు. ప్రథమ భాగం ముగింపు  రెండవ భాగం కోసం మరీ ఎదురు చూసేలా లేదు కానీ there is enough interest. 

శివ కేశవులకు మధ్య భేదం లేదని జయరామ్ పరిచయ సన్నివేశం లోనే వచ్చే సీన్ బాగుంది. అలాగే జయరామ్ కు తనికెళ్ళ భరణి గాత్రం బాగుంది. 

Surprise. సంభాషణలు డబ్బింగ్ వాసన అంతగా లేకుండా బాగున్నాయి. ( తనికెళ్ళ భరణి ). పాటల సాహిత్యం బాగా లేదు. అక్కడక్కడ ఇనుప గుగ్గిళ్ళ వంటి పదాలు ఉన్నాయి. 

పాటల చిత్రీకరణ అంతగా ఆకట్టుకోదు. మహేశ్వర్ ఘాట్ కట్టడాల వద్ద  లో కృష్ణుడు కంసుడు theme తో చిత్రీకరించిన పాటలో concept  modern dance లాగా అనిపిస్తుంది. 

సంగీతం. Overall an underwhelming score. నేపథ్య సంగీతం  అక్కడక్కడ బాగుంది.  కార్తీ మీద చిత్రీకరించిన రహమాన్ పాడిన ' పొన్ని నది  పాట stands out for beat and music. Other songs are not so good.  Music feels out of sync with the theme and period of the movie.

Photography - Good but not great.

Sets - Some good. Some look tacky.

చిత్రం చూడవచ్చు. PS-1 is a movie  worth seeing  on big theatre screen.

బాహుబలి తో పోలిక అవసరం లేదు. The scope and aim of both the movies are quite different.

అయితే రాజమౌళి ఈ చిత్రం తీసి ఉంటే ఎలా ఉండేది అని అనుకుంటే ? Yes.  It is an interesting proposition.




Saturday, September 17, 2022

పూర్వి కల్యాణి - ముత్తుస్వామి దీక్షితుల కృతి-మీనాక్షి మే ముదం దేహి



ముత్తుస్వామి దీక్షితులు మధుర మీనాక్షి అమ్మవారిని ఉద్దేశ్యించి కూర్చిన కృతులలో పూర్వి కల్యాణి రాగం లోని

' మీనాక్షి మే ముదం దేహి ' కృతి ప్రముఖమైనది. దీక్షితుల వారు గొప్ప కృతి కర్త, సంస్కృత పండితులు, దేవీ ఉపాసకులు, బహు భాషావేత్త మరియు గొప్ప వైణికులు. వారి కృతులు అధిక భాగం గమక ప్రధానంగా వీణా వాదన కు అనుకూలంగా ఉంటాయి. 

వారు రచించిన ప్రతి కృతిలో ఉపాసనా బలం, అక్షర రమ్యత, శబ్ద సౌందర్యం, భావ సాంద్రత, సంస్కృత  భాషా ప్రావీణ్యం ద్యోతకమవుతుంటాయి. గొప్ప గాయకుల గాత్రంలో ఆ కృతులను విన్నప్పుడు  భక్తి భావన అలౌకిక ఆధ్యాత్మిక అనుభూతి ముప్పిరిగొని రసికుల హృదయాలను పరవశింప జేస్తాయి. అప్రయత్నంగా ధ్యాన స్థితిని కలుగజేస్తాయి.

పూర్వి కల్యాణి రాగం ప్రాచీన మైన గంభీరమైన రాగం. ఆధ్యాత్మిక, భక్తి, ధ్యాన ఉపాసన భావనలు కలుగజేస్తుంది. 

గమనాశ్రమ అన్న ప్రతిమధ్యమ మేళకర్త రాగ జన్యము.

దీక్షితుల వారి మేళకర్త పద్ధతిలో ఈ రాగం ' గమక క్రియ '  అని పిలువబడుతున్నది. 

మీనాక్షి మే ముదం - (శ్రీమతి ఎం. ఎస్. సుబ్బలక్ష్మి గారి గాత్రం) రాగం  పూర్వి కల్యాణి /గమక క్రియ - తాళం ఆది
------------------------
పల్లవి


మీనాక్షి మే ముదం దేహి
మేచకాంగి రాజ మాతంగి

అనుపల్లవి


మాన మాతృ మేయే మాయే

మరకత ఛాయే శివ జాయే


మీనలోచని పాశమోచని
మానిని కదంబ వనవాసిని

చరణం


మధురా పురి నిలయే మణి వలయే
మలయ ధ్వజ పాండ్య రాజ తనయే
విధు విడంబన వదనే విజయే
వీణాగాన దశ గమకక్రియే

మధు మద మోదిత హృదయే, సదయే
మహా దేవ సుందరేశ ప్రియే
మధు ముర రిపు సోదరి శాతోదరి
విధి గురు గుహ వశంకరి శంకరి

-----------------------

కీర్తన లోని పదాల నడక  హాయిగా కర్ణ పేయంగా సాగుతుంది. చదివినా విన్నా ఒక అనిర్వచనీయ మైన అనుభూతి కలుగుతుంది.

మీనలోచని పాశ మోచని - ఈదృశమైన పదాలు ఆ అమ్మవారే దీక్షితుల వారి నోట పలికించి ఉంటుంది అనిపిస్తుంది.

శ్రీ లలితా సహస్ర నామావళి లోని మాయా, పాశమోచని, కదంబవన వాసిని, విజయ, శాతోదరి నామాలు ఈ కృతిలో ఉన్నాయి. అలాగే ధ్యాన, ధ్యాతృ, ధ్యేయ రూపా అన్న నామానికి అనురూపంగా మాన మాతృ మేయా అన్న నామం వ్రాసినట్లు తోస్తుంది.

వీణా వాదన లో ప్రముఖంగా వినిపించే కంపిత, ఆందోళిత, స్ఫురిత ఇత్యాది దశ గమకాలు మరియు గమకక్రియ రాగం స్ఫురించేలా ఈ కృతిలో ' దశ గమక క్రియే ' అన్న నామం కనిపిస్తుంది.

దీక్షితుల వారు ఎనిమిది విభక్తులలో కూడా కీర్తనలు రచించారు. ఈ కృతి సంబోధనా ప్రథమా విభక్తి లో కూర్చబడినది. 

దీక్షితుల వారు అనేక ఆలయాలు సందర్శించి ఆయా ఆలయాలలో వెలసిన అధిష్టాన దేవతా మూర్తుల పై కీర్తనలు రచించి గానం చేశారు.

ఈ కృతి గురించి దీక్షితుల వారి జీవితంలో  ఒక ఘటన చెప్పబడినది. 1835 సంవత్సరం అక్టోబర్ 21 దీపావళి నాడు వారి శిష్యులు ' మీనాక్షి మే ముదం దేహి ' కృతిలో అనుపల్లవి ' మీనలోచని  పాశ మోచని ' అని గానం చేస్తుండగా దీక్షితుల వారు తనువు చాలించినట్లుగా చెప్పడం జరిగింది.🙏





Sunday, August 28, 2022

ఆధ్యాత్మిక మ్యూజింగ్స్ - తెలిసి రామ చింతన

శ్రవణం, మననం తదుపరి విచారణ చేస్తూ ఉంటే ఆత్మ యొక్క నిజ స్వరూపం పైన కొంత అవగాహన వస్తుంది.

మనిషి చేసే లౌకిక మైన అనేక రకాల పనులన్నిటి వెనుక ఉండే మౌలిక ఉద్దేశ్యం ఏమిటి అని ఆలోచిస్తే 

1) అనంతం గా వ్యాపించాలనే కోరిక 

2) శాశ్వతం గా ఉండాలి అనే కోరిక 

3) ఆనందంగా ఉండాలి అనే కోరిక 

ఈ మూడూ ప్రధానం గా కనిపిస్తున్నాయి.

మనిషి, ఆ మాటకొస్తే ఇతర ప్రాణికోటి కూడా నిరంతరం ఈ మూడు సాధించడానికి తమ తమ పరిమితుల మేరకు ప్రయత్నం చేస్తున్నట్లు తెలుస్తుంది.

సంతానోత్పత్తి, ధనం, వస్తువులు, ఆస్తులు సంపాదన, వివిధ లౌకిక విద్యలు, ఆహార విహారాదులు, శత్రు మిత్రత్వాలు, పూజ, ప్రార్థన, ఇతర మత కర్మలు.. ఒకటి కాదు అన్ని పనుల వెనుక ఉన్న  చోదక శక్తులు ఈ మూడు మాత్రమే. ఇది ఘంటాపథంగా చెప్పవచ్చు.

ఏ కర్మ అయినా ఇంద్రియాలు, ప్రాణం లేదా మనస్సు ప్రమేయంతో నే చేస్తున్నాము. ఆలోచన చేయడం, ఊపిరి తీయడం, వివిధ శారీరిక కర్మలు అన్నీ కూడా  జ్ఞానం వెలుగులో మాత్రమే సాధ్యపడుతున్నాయి. ఆ జ్ఞాన స్వరూపమే సత్ చిత్ ఆనంద పరమాత్మ గా ప్రతి జీవిలోను స్వత: సిద్ధంగా ఉంది. అది అనంతం, శాశ్వతం, ఆనంద స్వరూపంగా ఉండగా అది  'తెలియక '  బాహ్య ప్రపంచం లో రకరకాల కర్మలు ఆచరిస్తూ అవస్థలు పడుతున్నది ప్రాణికోటి.  ' తెలిసి ' న  మనిషికి ఈ అంతులేని పరుగు నుంచి బయటపడే అవకాశం ఉంది అని ఆచార్యులు చెప్పారు. కానీ పరుగే పరమానందంగా భావించే మనిషి ఆ పరుగు ఆపే ప్రయత్నం కూడా చేయడు. ఈ పరుగు జన్మ జన్మలకు కొనసాగిస్తూ పైకి లేస్తూ కిందికి పడుతూ జీవి నలిగిపోతాడు. 

అయితే ఏనాటికైనా ఏదో ఒక సాధన మార్గం ఎంచుకుని ఈ రంగులరాట్నం దిగిపోయే ప్రయత్నం చేయక తప్పదు.

- ఆత్మ విచారణ, భక్తి, ధ్యానం, యోగం, పరోపకారం, తపస్సు, జపం, యజ్ఞం, సేవ, వైరాగ్యం, దీక్ష,సత్కర్మ, ధర్మాచరణ..  ఏ మార్గంలో అయినా నిజాయితీగా సాధన చేస్తూ ఉంటే ఏదో ఒక నాటికి ' తెలిసి ' ఈ పరుగు ఆపగలుగుతాము అని పెద్దలు చెప్పారు. 

త్యాగరాజ స్వామి  ' తెలిసి రామచింతన చేయవే ఓ మనసా ' అని  అన్నమయ్య 'తెలిసితే మోక్షము తెలియకున్న బంధము ' అని  చెప్పడం వెనుక భావం ఏమిటి?

త్యాగరాజు, అన్నమయ్య కీర్తనలలో మూర్తి ఆరాధన, ద్వైత భావన, కేవలం ఇష్టదైవ పారమ్యం మాత్రమే కనిపిస్తాయి అనడం సరికాదు. వారు శ్రీరాముని లోను, వేంకటేశ్వరస్వామి లోను సర్వాంతర్యామి అయిన పరమాత్మను అద్వితీయంగా,  దర్శించారు అని భావించాలి.

అసలు సర్వులకు ఉన్న సామాన్య సమస్య  జనన మరణ చక్రం నుంచి బయటపడడం. ఇది సమస్య అని గుర్తించడం ఒక తొలి అడుగు.

సనాతన ధర్మం ఈ సమస్య పరిష్కారానికి విశ్వజనులకు అచరణీయమయిన మార్గం చూపుతుంది.

అయితే సంకుచిత మతాలు తమ దేవుడు, ప్రవక్త లేదా ఆచార్యుడు మాత్రమే సత్యం అంటూ ఇతర మార్గాలలో సాగేవారిని దూషించడం, హింసించడం, బాధించడం వారిపై అకృత్యాలు చేయడం జరుగుతుంది. 

తమ మతం లో ఉన్నవారికి మరణానంతరం స్వర్గ సుఖాలు, తక్కిన వారికి నరకాగ్ని ప్రాప్తి కలుగుతుంది అని ప్రచారం చేయడం, ప్రలోభాల, బలవంతపు మత మార్పిడులు సాగుతున్నాయి. 

ధర్మాచార్యులు, ధార్మిక ప్రవచన కర్తలు సనాతన ధర్మ రక్షణకోసం ప్రయత్నం చేస్తున్నారు. కానీ,

మన దేశంలో ఉన్న లౌకిక  వ్యవస్థ హిందువులకు, సనాతన ధర్మ పరిరక్షణకు అనుకూలంగా లేదు. హిందూ దేవాలయాలు మాత్రమే ప్రభుత్వ ఆధీనం లో ఉన్నాయి. హైందవ ధర్మ విద్యా సంస్థల ఏర్పాటుకు అవకాశం లేదు. . వామపక్ష, కుహానా లౌకికవాదుల, మత మౌఢ్యుల నియంత్రణ లో ఉన్న పత్రికలు, సినిమాలు, ప్రసార మాధ్యమాలు, పాఠ్యాంశాలు అన్నీ కూడా హిందువులకు వ్యతిరేకంగా పనిచేస్తున్నాయి.

రాజకీయ నాయకుల అధికార కాంక్ష కారణంగా  హిందువులపై వివక్షాపూరిత ధోరణి, అన్య మత సంతుష్టీకరణ పెరిగిపోతుంది. హిందువులకు, సాధువులకు  రక్షణ కల్పించలేక పోతున్నారు.

హిందువులలో కూడా అనేకులు తమ మనుగడ ప్రమాదం లో ఉంది అన్న సత్యం గుర్తించ లేకున్నారు. 

భారతదేశం హిందువులకు ఉన్న ఏకైక దేశం. పరిస్థితులు ఇలాగే కొనసాగితే ఈ దేశం లో కూడా హైందవ మతం క్షీణించి పోయే ప్రమాదం ఉంది. అది ప్రపంచ మానవాళికి మహా విపత్తు అవుతుంది.  

ప్రపంచంలోని అత్యధిక దేశాల లో మెజారిటీ గా ఉన్న రెండు మతాలు మన దేశం లో మైనారిటీ గా గుర్తించడం సరైనదేనా? 

సమస్త చరాచర సృష్టి ని దైవంగా భావించే మార్గం సనాతన ధర్మం మాత్రమే.

విశ్వ మానవ శ్రేయస్సు కోసం సనాతన ధర్మం పరిరక్షింపబడాలి. 🙏


(ఆదిశంకరుల తత్వ చింతన ను బోధించే సద్గురువుల ప్రవచనాలు, ఇతర సామాజిక మాధ్యమాల్లో ని విషయాల  ఆధారంగా)










Tuesday, August 2, 2022

కవిత్వం made easy - పఠనం made difficult

ఇటీవలి నెలలలో  3-4 లఘు రచనలు వ్రాశాను. ( కొన్ని పంక్తుల సముదాయం అనవచ్చు). 

అవి సాక్షి దినపత్రిక ఆదివారం పుస్తకం లో వచ్చాయి. 

వచన కవితలు అనబడే రచనలు ఈ రోజులలో ఎంతమంది చదువుతారో తెలియదు.

అప్పుడప్పుడు మంచి రచనలు ఆలోచింపజేసే పంక్తులు కనిపిస్తాయి.

సాహిత్యానికి కవిత్వానికి ఒక పుట సాక్షి పత్రికలో కేటాయించారు.

ఎందుకో గానీ ఈనాడు పత్రిక లో సాహిత్యానికి కవిత్వానికి పేజీ లేదు. పుస్తక పరిచయం మాత్రమే ఉంటుంది. 

దాదాపు నలభై ఏళ్ల క్రితం  రెండు మూడు మినీ కవితలు, కొన్ని కార్టూన్లు ఆంధ్ర సచిత్ర వార పత్రిక లో వచ్చాయి. ఆ సమయం లో భలే థ్రిల్ గా అనిపించింది.  ఇప్పుడు ఆ రచనలు తలుచుకుంటే హాస్యాస్పదం గా అనిపిస్తుంది.

గొప్ప రచనలు కొన్ని చదివాక నేను ఎందుకు వ్రాయకూడదో అర్థమైంది.

ఆ తరువాత ఇక ప్రయత్నించలేదు. అయితే some habits die hard and surface later.  

ఒకటి రెండు ఈ మాట కు పంపాను. అవి ఏమాత్రం బాగాలేవు అని నాకే అనిపించింది. వారు పాపం ఎంతో మృదువుగా అదేమాట చెప్పారు.

ఆ తరువాత కొంచెం సాధన చేసి కొంత ఆద్వైతం, ఆధ్యాత్మికత కలిపి కొన్ని పంక్తులు వ్రాసి సాక్షికి పంపాను. వారు ఎందుకో మరి ప్రచురించారు.

నాకు ఆనందం కంటే ఆశ్చర్యం కలిగింది.

క్రింది రచన సంగీతం, నాదం ఆధారంగా వ్రాశాను. గంభీరంగా ఉండాలి అని కొన్ని సంస్కృత సమాసాలు ఉపయోగించాను. అవి

అసందర్భంగా లేవు అని అనుకుంటున్నాను.

నా రచనల సంగతి అలా ఉంచితే, అప్పుడప్పుడు కొన్ని అద్భుతమైన వాక్యాలు చదవగలిగాను.

కొందరు రచయితల భావుకత, వారి భావ వ్యక్తీకరణ, వారి రచనలలో వస్తు వైవిధ్యం, పద చిత్రాలు  బాగుంటాయి.

తనకు కలిగిన భావనకు అక్షర రూపం ఇవ్వాలి అన్న బలమైన కోరిక రచనకు పురికొల్పుతుంది అనుకుంటాను.

ఏమైనా సంప్రదాయ సాహిత్యం, గొప్ప రచయితల రచనలు కొంత మేరకైనా చదివి అర్థం చేసుకోకుండా రచనలు చేయడం అవివేకమైన పని అని నేను అనుభవ పూర్వకంగా తెలుసుకున్నాను. Creative art may work as a type of catharsis for artists. Sometimes audience may also feel the same.

















Tuesday, May 31, 2022

కాలం కదలికల సాక్షిగా - three magic songs

గత ఇరవై ఏళ్లలో వచ్చిన సినిమా పాటల్లో నాకు బాగా నచ్చిన పాటలు which really impressed me are very few. Maybe less than ten.


Only a few songs seem to achieve that magic mix of good music, lyrics, singing, recording, acting and picturization.


I am not against new age songs per se. Still I feel the present day songs lack the soul and melody of 70s and early 80s.


Cine music trends keep changing. Only a few songs live forever.


నాకు నచ్చిన ఈ పాటలు of not so distant past.


1) నువ్వేలే నువ్వేలే - దేవుడు చేసిన మనుషులు - శ్రేయా ఘోషల్ - రఘు కుంచే 

భాస్కర భట్ల - పూరీ జగన్.Really appreciate the efforts of all who collaborated for this beautiful song.


ప్రతి సంగీత దర్శకుడికి career best songs కొన్ని ఉంటాయి. I don't know if Raghu Kunche will have an occasion to compose such a song again.  Shreya Goshal is a gifted singer who did full justice to this song. Puri Jagan, the actors, songwriter.. everything seems to fall into place. 


2) ఉన్నట్టుండి గుండె వంద కొట్టుకుందే - నిన్ను కోరి - గోపి సుందర్ - రామ జోగయ్య శాస్త్రి - కార్తీక్ - చిన్మయి.

Gem of a song. Superb music, lyrics, acting, picturization.  The lead actors Nani and nivetha Thomas are likeable. No wonder this song struck a chord with young and not so young alike.

-----------

ఆనందం సగం...ఆశ్చర్యం సగం.. ఏమైనా నిజం... బాగుంది నిజం..

కాలం కదలికల సాక్షిగా ప్రేమై కదిలినది జీవితం

-------------

3) ఎవ్వరే నువ్వు నన్ను కదిపావు - రాజు భాయ్ - యువన్ శంకర్ రాజా - రామ జోగయ్య శాస్త్రి - హరీష్ రాఘవేంద్ర

such a lovely song. Beautiful lyrics, vocals, music, choreography, acting. A forever song for Manoj.

 ఎక్కడి నేను ఎక్కడున్నాను చాలా దూరం నడిచాను.  

రామ జోగయ్య శాస్త్రి, చంద్ర బోస్ - carry on the legacy of legends వేటూరి , సీతారామ శాస్త్రి.


ఇటీవల చదివిన ఒక కవితలోని  పంక్తి.

పరుగు తీయడం అలవాటై నడక మరచిపోయాము. 

Watch and listen to these songs on  a pleasant night  and end up gazing into the starry sky.  

















Tuesday, March 22, 2022

తత్త్వవిదానంద సరస్వతి స్వామి స్ఫూర్తి- ఒక లఘు కవిత

 





    ప్రస్తుత కాలంలో శంకర అద్వైత సిద్ధాంత  ప్రవచన కర్తలలో శ్రీ తత్త్వవిదానంద సరస్వతి స్వామి గారు అగ్రగణ్యులు. వారి ప్రసంగాలు, రచనలు మిక్కిలిగా అందుబాటులో ఉన్నాయి.


స్వామి సంప్రదాయ కుటుంబం లో జన్మించారు. బాల్యంలో వేద విద్యను సంస్కృత భాషను అభ్యసించి తదుపరి ఆధునిక విద్య నేర్చుకున్నారు. రసాయన శాస్త్రం లో Ph. D పొంది ప్రభుత్వ ఉద్యోగం చేశారు. వేదవిద్య ఆధారంగా సంస్కృతంలో మరల Ph. D అందుకున్నారు. 


అయితే ఆత్మ ప్రబోధానుసారం ఆర్ష విద్యా సంస్థ స్థాపకులు స్వామి దయానంద సరస్వతి స్వామి పట్ల ఆకర్షితులై వారి శిష్యులు గా మారి సన్యాసం స్వీకరించారు. 


దాదాపు 30 ఏళ్లుగా శంకర అద్వైత బోధలు తమ ప్రసంగాలు, రచనల రూపం లో నిరంతరంగా కొనసాగిస్తున్నారు. తెలుగు ఆంగ్ల భాషలలో ప్రసంగిస్తారు.  వారి బోధనలు సూటిగా సరళంగా , సహేతుకంగా, శాస్త్రీయ దృక్పథం తో సాగుతాయి. మూఢ మిథ్యా చారాలు, ఆడంబరం, ఆర్భాటాలకు దూరంగా ఉంటారు. ప్రచారానికి దూరంగా ఉంటారు.      ప్రతి సంవత్సరం కొన్ని నెలల పాటు  అమెరికాలో ఉండి ఉపదేశం ఇస్తారు.

వారి బోధనలు, రచనల ప్రధాన ఉద్దేశ్యం అద్వైత  వేదాంత దర్శనం. అయితే వ్యావహారిక జీవితానికి అద్వైత మార్గానికి వారు చక్కని సమన్వయం చూపుతారు. వారి ప్రవచనం విన్నవారిపై తప్పక ప్రభావం చూపుతాయి అనడం లో సందేహం లేదు. Swamiji is a perfect blend of sanatana Dharma and modern thought process. 


స్వామి గారి ప్రవచనాలు రచనలు ప్రస్థాన త్రయం, శంకర భాష్యం, ఉపనిషత్తులు, ప్రకరణ గ్రంథాలు. .. సరళమైన శైలిలో ఉపదేశిస్తాయి. 


పంచీకరణం ప్రకరణ గ్రంథం పై స్వామి ఆంగ్లం లో ఇచ్చిన ప్రవచనాలు ఇక్కడ ఉన్నాయి. ఎంతో విలువైన ఉపదేశాలు.

స్వామి ప్రవచనాల స్ఫూర్తి తో ఒక లఘు రచన వ్రాశాను. అది సాక్షి పత్రిక ఆదివారం అనుబంధంలో 21-3-2022 తేదీ వచ్చింది.



భక్తి , జ్ఞానం రెండు కూడా ఆధ్యాత్మిక మార్గంలో పురోగతికి ముఖ్య సాధనాలు అని ఆచార్యులు చూపిన మార్గం శిరోధార్యం.స్వామి బోధనలు సనాతనం, సనూతనం.

Wednesday, February 16, 2022

డిస్కో కింగ్ బప్పి లహరి - మేరే ఏ గీత్ యాద్ రఖనా

 


80 లలో బప్పి లహరి సంగీతం యువతకు బాగా నచ్చేది. తెలుగులో కూడా సింహాసనం, స్టేట్ రౌడీ, గ్యాంగ్ లీడర్... సినిమాలలో పాటలు బాగా వినిపించేవి. 


హిందీ సినిమాలలో డిస్కో డాన్సర్ సినిమా పాటలు  ఒక ఊపు ఊపాయి. అలాగే శరాబీ చిత్రం లో పాటలు బాగా ప్రాచుర్యం పొందాయి.


హిప్పీ జుట్టు, జిగేల్ మనే కోటు, పెద్ద చలువ కళ్ళజోడు, ఒంటినిండా బంగారు ఆభరణాలు ధరించి విలక్షణంగా కనిపించేవాడు.


He brought in Western beats, sounding  and techno music into our film music.


అతని మాస్ బీట్ ఉన్న డిస్కో పాటలు బాగా హిట్ అవ్వడంతో అదే ముద్ర పడిపోయింది.


నిజానికి there is more to bappi than mass beat disco songs. He was capable of composing soulful melodies. Having been strait-jacketed in disco and fast paced songs, he couldn't compose many melodies.


అతను 24 ఏళ్ల వయసు లోనే తన మొదటి సినిమా లోని కిషోర్ పాడిన ' చల్తే చల్తే మేరే యే గీత్ యాద్ రఖనా ' పాట  ఇచ్చాడు.


బప్పి సంగీతం సమకూర్చిన చిత్రాలలో ऐतबार చిత్రం లోని పాటల్లో తన అంతరాత్మ కనిపిస్తుంది.


సినారె ఒక పాటలో ' మేనితోనే ఆగుతాయి ముద్దులు, గుండె దాకా సాగుతాయి ముద్రలు  ' అని వ్రాసినట్లు కొన్ని పాటలు శరీరానికి, ఇంకొన్ని మనసు దాకా పడతాయి. కొన్ని మాత్రమే హృదయానికి చేరువౌతాయి.


ऐतबार చిత్రం లోని రెండు పాటలు.

1) किसी नज़र को तेरा इंतज़ार आज भी है ।

2) आवाज दी है आशिक़ नज़र में ।

Both are lovely compositions. Sung by Bhupinder and Asha Bhosle. 


భూపెందర్ గజల్ గాయకుడు. కొన్ని పాటలే పాడినా ఆణిముత్యాల వంటి పాటలు పాడాడు. అతను r d బర్మన్ పాటలలో గిటార్ వాయించేవాడు.'  చురాలియా హై తుమ్ నే జో దిల్ కో  ,' పాటలో అద్భుతంగా గిటార్ వాయించాడు. తరువాత గాయకుడి గా ఎదిగి బర్మన్ సంగీతం లో అద్భుతమైన పాటలు పాడాడు. 

Bappi Da has many fans including AR Rahman.

A unique composer with zest for life. His persona and music instantly brings smile and energy. 

RIP🙏.