Vintage Ilayaraja music -సంగీత విభావరి - కొన్ని సంగీత కబుర్లు

ఇటీవల గచ్చిబౌలి లో జరిగిన సంగీత విభావరి లో మేస్ట్రో ఇళయరాజా ఇలా అన్నారు.

శ్రోతలు ఒక పాట విని ఆనందిస్తున్నారు. వినకముందు ఆ పాట ఎక్కడ నుంచి వచ్చింది? విన్న తరువాత ఏమైపోయింది ? అరె ఏమైందీ? ఈ మాటలు విన్నప్పుడు,

ఎందుకో గానీ పాట లాగే  జగత్తు కూడా  సృష్టికి పూర్వం లయకు పశ్చాత్ ఎక్కడ ఉంటుంది అనిపించింది. The time scales may differ but a song or the universe are similar in terms of ephemerality.

ఈ కార్యక్రమం లో కొన్ని మంచి పాటలు వినిపించారు. ముఖ్యంగా విభావరి జోషి అనే గాయని ఇంకా శ్వేత మోహన్ కార్తీక్ బాగా పాడారు అని నాకు అనిపించింది.

Even though we heard the songs many times, the freshness, melody, interludes and the fabulous singing have a lasting appeal for Ilayaraja music. 

1980-90 was the period he was in peaks. In later years he could not create the same kind of magic. Post 2000, his tunes were not so popular. 

అన్వేషణ చిత్రం లోని కీరవాణి చిలకలా కలకలా పాడలేదు పాట ఒక masterpiece. కీరవాణి రాగం లో ఉన్న సినిమా పాటల్లో అగ్ర తాంబూలం ఈ పాటకు చెందుతుంది.  కష్టమైన పాట. విభావరి జోషి బాగా పాడింది.

ఇళయరాజా ఓ ప్రియా ప్రియా పాట BGM compose చేసిన విధానం వివరించిన తీరు ఆకట్టుకుంది. కోరస్, వివిధ వాయిద్యాలు విడివిడిగా పలికించి ఆ తరువాత కలిపి ఒక్కటిగా వినిపించి నప్పుడు కలిగే అనుభూతి బాగుంది. 

Composing and synthesising different musical instruments is a complex job. If the final effect is pleasant it becomes a melody or else ends up as cacophony.

ఆస్కార్ అవార్డు పొందటానికి మాటే మంత్రము వంటి పాటను మించిన పాట ఉంటుందా .

Probably the Song of the century. 

ఏమైనా కార్యక్రమం లో SP బాలు గారు లేని లోటు కనిపించింది.

DSP ఇళయరాజా పై తనకు ఉన్న అభిమానాన్ని  చక్కగా చెప్పాడు.

It seems young people too came in sizeable numbers to view the show.

కొన్ని దశాబ్దాలుగా ఒక ఇళయరాజా అభిమానిగా కొన్ని observations 

1) పి సుశీల గారి తో ఎక్కువ పాటలు పాడించ లేదు అన్న అసంతృప్తి.

2) స్వయంగా తమిళం లో ఎన్నో పాటలు పాడారు. I don't think his voice is very pleasant. కొన్ని రకాల పాటలకు ఓకే. హీరోలకు సూట్ కాదు. అవే పాటలు బాలు లేదా జేసుదాసు గార్లు పాడి ఉంటే బాగుండేది.

3) he over used trumpet in many songs which is not a great instrument. Instead saxophone 🎷 would be better.

4) Due to overwork his music became repetitive and quality suffered in a few movies.

5) he could not adapt his music with modern trends. In this aspect I think Keeravani did well by reinventing his music.

Yes. We love Ilayaraja's vintage songs.  Probably the finest composer of Indian film music. A living legend 🙏

ఆధ్యాత్మిక అసహనం అసంతృప్తి - కొన్ని ఆలోచనలు

కొంతమంది ఆధ్యాత్మిక గురువులకు 

కోపం -తమ మార్గం వీడి వెళ్లిన వారిని చూచి.

ఉక్రోషం -తమను పట్టించు కోవడం లేదని

చులకన - శక్త్యానుసారం, స్వీయ  అభిరుచి ప్రకారం తమ తమ పంథాల్లో సాగే వారిని చూచి.

అహంకారం -తమదే నిజమైన మార్గం అన్న భావన వల్ల

నిస్సహాయత -తాము సామాన్య జనాలను మార్చలేక పోతున్నందుకు.

జాలి -అయ్యో ఇలా ఉన్నారేమిటి వీళ్లంతా అనుకుంటూ.

నిజానికి లోకం ఎప్పుడూ తన ధోరణి లో తాను నడుస్తుంది. ప్రకృతి తనదైన పద్ధతిలో సృష్టిని నడిపిస్తుంది. ఆరాటం, ఉబలాటం, ఆవేశం, అసంతృప్తి పెంచుకుంటే నిరాశ నిస్పృహ తప్పదు. 

గురువు మార్గం నచ్చి వారి వెంట నడిచే వారు ఉన్నారా ? మంచిదే. నచ్చకో, వీలుపడకో, శక్తి చాలకో, ఇంకొక మార్గం ఆకర్షించో తప్పుకున్నవారున్నారా ? అదీ మంచిదే.  శాపనార్థాలు, తిరస్కార భావం, దూషణలు అవసరం లేదు.

సాధనా బలం తో ఒక స్థాయి చేరుకున్నారు. అది ఎవరికి అందాలో వారికి తప్పక అందుతుంది. ఆరాటం దేనికి ? ఎవరి మార్గం లో వారు సాధన చేసుకుంటూ సాగిపోవడం ఉత్తమం. 

ఎన్నో జన్మలు కొనసాగే సాధన కొఱకు వేచి ఉండే ఓపిక సహనం లోకులకే కాదు గురువులకు కూడా ఉండాలి అనిపిస్తుంది. 

లౌకిక జీవనం లో తలమునకలు అవుతూ కొంత ఉపశమనం కోసం లేదా ఇతర కారణాలతో గుళ్ళు గోపురాలు దర్శిస్తూ పూజలు పునస్కారాలు చేసుకునే వారు అనేకమంది ఉండగా ముముక్షువులు, సాధకులు కొద్ది మంది మాత్రమే ఉంటారు. ఇది సహజమైన విషయం. ఈ విషయం లో గురువులకు స్పష్టత ఉంటే బాగుంటుంది. 

Some gurus expect the austerity and serious approach of a mumukshu from normal householders. This will not succeed.

ఎన్నో జన్మల సాధన తరువాత గురుస్థానం చేరుకున్న వారు తొలి దశలలో ఉన్నవారిని నిందించడం తగదు. వారికి మార్గ దర్శనం చేయడం బాగుంటుంది.

కేజీ నుంచి పీజీ దాకా చదవడం కోసం సమయం పడుతుంది. అందరూ డాక్టరేటు చేయలేరు అన్నది నిండు నిజం.

కొన్ని కెరటాలు ఎక్కువగా ఎగసి పడుతున్నాయి. కొన్ని తీరం చేరకుండానే అగిపోతున్నాయి. పేచీ లేదు.

గసాభా -  కసాగు లకు అంతరం ఉంటుంది.

ఉపదేశం మంచిదే. కానీ అధికారి భేదం గుర్తించి చేయడం మంచిది. బుద్ధిభేదం న జనయేత్ అన్న సూచన ఉంది. 

ఆధ్యాత్మిక జ్ఞానం చేసే మేలు కంటే ఆధ్యాత్మిక అసహనం చేసే కీడు ఎక్కువ కాకూడదు. శృతి మించిన విమర్శ చేయడం సరికాదు. 

ఇదివరకు తాను కూడా ఎన్నో తప్పులు చేశాను. ఎంతో ప్రయత్నం చేసిన తరువాతే గురుస్థానం లోకి వచ్చాను. ఇప్పటికీ కొన్ని సందర్భాలలో తడబడుతుంటాను అని నిజాయితీ గా చెప్పగలిగే గురువులు  అరుదు. 

అలాగే honest feedback స్వీకరించే లక్షణం స్వీయ లోపాలు అంగీకరించే గుణం ఎన్నడూ వదులుకోకూడదు.  అంతరాత్మ ను మించిన అద్దం లేదు. అయితే దృష్టి సారించగలగాలి.

గురువులు ఒక్కోసారి కోపగించినా వారు వందనీయులే. 

నిజానికి ఒక్కోసారి అనిపిస్తుంది.  సామాన్యులతో పాటు గురువులలో కూడా మార్పు అవసరమే.

Random thoughts and general observations. Not intended to find fault with any one 🙏

తెలుగింటి హారతి నెలకొన్న కీరితి - సురటి

ఆదౌ నాట అంత్యే సురటి అన్న సంగీత సంప్రదాయం తెలుగునాట ఉన్నది.  

కచేరీ తొలి గీతం నాట, హంసధ్వని లేదా సౌరాష్ట్ర రాగాలలో ఉన్న గణపతి ప్రార్థనా గీతాలతో ప్రారంభించి సురటి, మధ్యమావతి లేదా శ్రీ రాగాలలోని మంగళ హారతి గీతములతో ముగించడం జరుగుతుంది.

తప్పనిసరి కాదు కానీ ఇప్పటికీ ఆ సంప్రదాయం కొనసాగింపు కనిపిస్తుంది.

సురటి రాగం అనగానే తెలుగువారికి సుపరిచితమైన శ్రీ లలితా శివజ్యోతి సర్వ కామదా అన్న గీతం (రహస్యం - పి.లీల - ఘంటసాల) ప్రముఖంగా వినిపిస్తుంది.

తెలుగు మహిళలు అమ్మవారికి కుంకుమార్చనలు చేసి, నోములు నోచుకుని, పేరంటాలు జరిపి హారతి పాటలు పాడుకోవడం సంప్రదాయం.

సురటి రాగం లో కీ. శే. శ్రీరంగం గోపాలరత్నం గారు 

ఇద్దరి తమకము ఇటువలెనే అనే అన్నమయ్య కీర్తన  స్వరపరచి పాడారు.

అలాగే శ్రీ బాలకృష్ణ ప్రసాద్ గారు అంగనలీరే ఆరతులు అన్న చక్కని అన్నమయ్య కీర్తన స్వరపరచి గానం చేశారు.

మాతృశ్రీ తరిగొండ వెంగమాంబ రచించిన శివనాటకం రూపకం నుంచి ఒక మంగళ నీరాజనం గీతం

శైలజాత నాయకాయ జయమంగళం

(బాలకృష్ణ ప్రసాద్)

------

స్వామికి

సారమైన దివ్యాన్నము షడ్రసయుత భక్షణములు నివేదన చేసి

జాజికాయ, జాపత్రి, యాలకులు, వక్కలాకులతో కూడిన విడెము సమర్పించి

సురటిలో నీరాజనం ఇచ్చిన

త్యాగరాజ స్వామి ఉత్సవ సాంప్రదాయ కీర్తన 

పతికి హారతీరే సీతాపతికి 

పల్లవి :

పతికి హారతీరే….

సీతాపతికి హారతీరే.

అను పల్లవి :

అతి మృదుతర సత్య భాషణునికి

అఖిలాండనాథునికి

సీతాపతికి హారతీరే…..

చరణం :

బంగరు రంగు భుజంగునిపై…

చెలంగుచును మరకతాంగుడు

తెరంగున మెరయు తన అంగనతో

పలుకంగ జూచి ఉప్పొంగుచు

సీతాపతికి హారతీరే

అక్కరతో నిరు ప్రక్కల నిలిచి

తళుక్కని మెరయగ చక్కని మోమున

చుక్కలరాయని మక్కువతో సరి

ముక్కెర కదలగ గ్రక్కున సీతా

పతికి హారతీరే

రాజ విభాకర రాజధరామర

రాజ శుకాజ విరాజులు చూడగా

రాజమానమగు గాజులు ఘల్లన

రాజిత శ్రీత్యాగరాజనుతునికి

పతికి హారతీరే

సీతాపతికి హారతీరే…..

(చివరి చరణం లో రాజ విభాకర రాజధరామరరాజ శుకాజ విరాజులు అన్న సమాసం లో రాజ - చంద్రుడు, విభాకర - సూర్యుడు, రాజధర - శివుడు, అమరరాజ - ఇంద్రుడు, శుక - శుకుడు, అజ - బ్రహ్మ, విరాజ - గరుడుడు - పద విభజన)

🙏

మృచ్ఛకటికం

ఆకాశం అద్దుకున్న నీలం

ఆత్మ చుట్టుకున్న చేలం

నిన్నటి లోయలోకి జారిపోతూ 

రేపటి ఊబిలో కూరుకు పోతూ 

ఇప్పటి క్షణం ఆవిరవుతుంది.

ఘటం ఘనంగా పలుకుతుంది

మృత్తిక మౌనంగా ఉంటుంది.

ఎగసి ఎగసి అలసి సొలసి

కడలి ఒడిని అల సేద తీరుతుంది.

అద్దంలో నగరపు తళుకులు

స్వప్నంలో మెరుపుల మరకలు

సప్త వర్ణమయ దీప కాంతిలో

రంగురాళ్ల జిలుగు తెల్లబోతుంది.

 

జ్యోతి వెలుగులో రజ్జువును చూసి

భ్రాంతి సర్పం చల్లగా జారుకుంటుంది.

దేహాభిమానం దగ్ధమైతే

మరణం మహోత్సవం అవుతుంది.

మట్టి బండి లో మహాయాత్ర 

ముగిసి పోతుంది.

(బ్రహ్మశ్రీ యల్లంరాజు శ్రీనివాసరావు గారి అద్వైత బోధల స్ఫూర్తితో )

మును తపమేమి జేసెనో - యదుకుల కాంభోజి రాగం - కొన్ని సంగీత ముచ్చట్లు

శ్రీరామ జయ రామ అన్న త్యాగరాజ స్వామి సంప్రదాయ కీర్తన సుమధురం. సుప్రసిద్ధం. సులభ గ్రాహ్యం. అత్యంత మనోహరం. భక్తి భావ భరితం. యదుకుల కాంభోజి రాగ స్వరీకృతం.

ఈ కీర్తన లోని భావ ప్రకటనా రీతి (idiom) తెలుగు వారికి మాత్రమే పూర్తిగా అవగత మవుతుంది అనిపిస్తుంది.   శ్రీమద్రామాయణం లోని హృద్యమైన సన్నివేశాలు  కళ్లముందు ఒక్కసారి కదలాడుతాయి. శుద్ధ సత్వ గుణం అక్షర రూపం దాల్చి ప్రకటితమయిన భావన కలుగుతుంది.  సాహిత్యం చదివినా లేక పాట విన్నా కూడా మాటల్లో చెప్పలేని మధుర భావం ముప్పిరి గొంటుంది. అది అనుభవైక వేద్యం మాత్రమే.

-----------

పల్లవి :

శ్రీరామ జయరామ శృంగార రామ యని చింతింపరాదే ఓ మనసా

చరణం :

1. తళుకు జెక్కుల ముద్దుబెట్ట కౌసల్య మును తపమేమి జేసెనో కౌసల్య

తపమేమి చేసెనో తెలియ

2. దశరథుడు శ్రీరామ రారా యనుచు పిల్వ మును  తపమేమి జేసెనో దశరథుడు 

తపమేమి చేసెనో తెలియ

3. తనివార పరిచర్య జేయ సౌమిత్రి మును తపమేమి చేసెనో సౌమిత్రి 

తపమేమి చేసెనో తెలియ

4. తన వెంట చన జూచి యుప్పొంగ కౌశికుడు తపమేమి చేసెనో కౌశికుడు 

తపమేమి చేసెనో తెలియా

5. తాపంబణగి రూపవతియౌట కహల్య తపమేమి చేసెనో అహల్య 

తపమేమి చేసెనో తెలియ.

6. తన తనయ నొసగి కనులార గన జనకుండు తపమేమి జేసెనో జనకుండు తపమేమి జేసెనో తెలియ

7. దహరంబు కరగ కరము బట్ట జానకి తపమేమి చేసెనో జానకి 

తపమేమి చేసెనో తెలియ

8. త్యాగరాజాప్తాయని పొగడ నారదమౌని తపమేమి చేసెనో ఆ మౌని 

తపమేమి చేసెనో తెలియ

శ్రీరామ జయరామ శృంగార రామయని చింతింపరాదే ఓ మనసా

------- ప్రముఖ గాయని పంతుల రమ గారు భావయుక్తంగా పాడారు.

-----------

యదుకుల కాంభోజి రాగం లఘు చరణాలలో  మధుర భక్తి భావన ప్రకటనకు మిక్కిలి అనువైన రాగం.

ఈ రాగం లో ఘంటసాల గారు పాడిన అద్భుత భక్తి గీతం శేషాద్రి శిఖరాన 

-----------

శేషాద్రి శిఖరాన, స్థిరముగ వెలసిన

శ్రీ వేంకటేశ్వర ప్రభో పాలయశ్రీవేంకటేశ్వరా

శంఖ చక్రముల చెరియొక్క చేతనుసొంపుగా పట్టితివా ప్రభో శ్రీశా

వరద ముద్రను బూని, యూరువున కేలుంచి

ఒయ్యార మొలికింతువా ప్రభో శ్రీశా

తిరుమోము నందున శ్రీపాదరేణువునా 

తిరునామముంచితివా ప్రభో శ్రీశా

వజ్రాంగి కవచము, వయ్యారముగ దొడిగి తోమాల వైచీతివా, ప్రభో శ్రీశా

ఉరమునా యిరువంక, శ్రీదేవి, భూదేవి

మరయ చెన్నెలరింతువా ప్రభో శ్రీశా

పద్మావతీ రమణ పాలింపవే నన్నుపాదాల నెర నమ్మితీ ప్రభో శ్రీశా

-----------

ఘంటసాల గారి అమృత తుల్య గాత్రం లో ఈ పాట తెలుగు వారి ప్రతి ఇంట పలుకుతుంది. శ్రీ వేంకటేశ్వర స్వామి రూపం కనులముందు ప్రత్యక్ష మవుతుంది.

త్యాగరాజ స్వామి కృతి నుంచి స్ఫూర్తి పొంది నట్లుగా స్వరాభిషేకం అనే   కె. విశ్వ నాథ్ గారి చిత్రం లో 

----------

అనుజుడై లక్ష్మణుడు అన్నా యనుచు బిలువ తపమేమి జేసెనొ ఈ రామయ్య 

అగ్రజుడు రాఘవుడు తమ్ముడా యనుచు బిలువ తపమేమి జేసెనో లక్ష్మణుడు

-------------

అన్న మంచి పాట వచ్చింది. కల్యాణి రాగం లో ఈ పాటకు విద్యాసాగర్ సంగీతం సమకూర్చాడు. వేటూరి సాహిత్యం. కె జే. జేసుదాసు, ఎస్పీ బాలు గారు అద్భుతంగా పాడారు.

అలాగే ఈ రాగం లోని భద్రాచల రామదాసు కీర్తన సీతమ్మకు జేయిస్తి చింతాకు పతకము రామచంద్ర పాట అంటే తెలుగువారికి ఆరో ప్రాణం. బాల మురళి గాత్రం లో ఆ పాట వినడం అంటే అరిటాకులో పండుగ భోజనం చేసినంత ఆనందం. యదుకుల కాంభోజి రాగం తెలుగువారికి స్వంతం అని చెప్పడం అతిశయోక్తి కానేరదు.

🙏🙏🙏

కె. విశ్వనాథ్ గారు - కళా తపస్వి.

మనిషి ఏ వృత్తిలో ఉన్నా ధార్మిక ప్రవృత్తి ఉంటే ఆ  జీవితం ధన్యత పొందుతుంది. విశ్వనాథ్ గారు అందుకు ఒక ప్రబల ఉదాహరణ.

విశ్వనాథ్ గారి చిత్రాల గొప్పదనం గురించి అనేకమంది అనేక సార్లు చెప్పుకుంటూ ఆనంద పడుతుంటారు. మన మనసులపై అంత బలమైన ముద్ర వేశాయి అవి. 

ఆయన చిత్రాల లోని అనేక సన్నివేశాలు, పాత్రలు మన కళ్లముందు సజీవంగా కదలాడుతాయి.

ఆయన తీసిన ప్రతి చిత్రం లోనూ మనం ఆనందపడే సంగీతం , సాహిత్యం, కథ, నటన, తెలుగుదనం, విలువలు, బలమైన సన్నివేశాలు -  తప్పనిసరిగా భాగంగా ఉంటాయి. 

విశ్వనాథ్ గారి చిత్రాలలో ప్రథమ ద్వితీయ స్థానాలలో  శంకరాభరణం, సాగర సంగమం ఉంటాయి అని చెప్పవచ్చు.

శంకరాభరణం చిత్రంలో నిజానికి సోమయాజులు, మంజు భార్గవి గారికి జాతీయ అవార్డు ఇవ్వాలి. అలాగే స్వర్ణ కమలం ఉత్తమ చిత్రం, దర్శకుడికి కూడా ఇవ్వాలి. అయితే అప్పట్లో వామపక్షవాద బికారి చిత్రాలు తీసే వారికే ఎక్కువగా అవార్డులు వచ్చేవి.అలాంటి వాళ్ళు అవార్డు కమిటీ లలో ఉండేవారు.

శంకరాభరణం లో అల్లు రామలింగయ్య గారి పాత్ర ఎంత బాగా వచ్చింది. మంచి నటులకు సరైన గౌరవప్రదమైన పాత్రలు సృష్టించి ఇవ్వడం దర్శకుడి అభిరుచికి సహృదయతకు నిదర్శనం.

కథానాయకుల పాత్రలకే కాక సహాయ నటులకు, హాస్య నటులు, అతి చిన్న పాత్ర పోషించే వారికి కూడా ఒక గౌరవం, సముచిత స్థానం ఇవ్వడం విశ్వనాథ్ గారి చిత్రాలలో గమనించ వచ్చు. 

హీరో పాత్రలను మాత్రమే గొప్ప చేసి హాస్య పాత్ర ధారుల చెంప పగలగొట్టే, అవమానించే సన్నివేశాలు, అసభ్య, అశ్లీల సన్నివేశాలు  ఆయన చిత్రాలలో ఉండవు. ఎందుకంటే ఆయన సహజ ప్రవృత్తి ధార్మిక స్వభావం. ఎదుటి మనిషిని గౌరవించే తత్త్వం. 

సాగర సంగమం చిత్రం లో కమల్ హాసన్, జయప్రద ల మధ్య ప్రేమ చిగురించే సన్నివేశాలు వారు ఇంట్లో ఫోటో తీసుకునే సన్నివేశం, నాట్య ప్రదర్శన లో కమల్ పేరు చూసుకున్నప్పడు వచ్చే సన్నివేశం - immortal scenes.

అనంతపురం లో రఘువీరా థియేటర్ లో  సాగర సంగమం చిత్రం విడుదల అయిన మొదటి రోజు మొదటి ఆట చూసిన విషయం గుర్తు ఉంది. ఒక స్నేహితుడు లైను లో దూరి టిక్కెట్టు సంపాదించాడు. కమల హాసన్ నట జీవితం లోనే అత్యుత్తమ చిత్రం సాగర సంగమం.

స్వర్ణ కమలం చిత్రం లో ఒక ఘనాపాటి పండితుని ఒక పై అధికారి అవమానించే సన్నివేశం మరచిపోలేము.  ఒక గొప్ప వేద పండితుని పట్ల అధికారి అనుచిత  ప్రవర్తనను చూపే సన్నివేశం. 

ఆయన చివరగా తీసిన కొన్ని చిత్రాలు అంతగా ఆదరణ పొందలేదు. అయితే వాటిలో కూడా కొన్ని మంచి సన్నివేశాలు ఉన్నాయి.

In my view Vishwanath garu was a master story teller.  Screenplay is his strength. 

ఆయన తీసిన అద్భుత చిత్రాలకు - ఏడిద నాగేశ్వరరావు వంటి అభిరుచి ఉన్న నిర్మాతలు, అద్భుత మయిన నటులు, వేటూరి, జంధ్యాల, సీతారామ శాస్త్రి, సినారె, ఆత్రేయ, కేవి మహదేవన్, రాజేశ్వరరావు గారు, ఇళయరాజా , గొప్ప ఛాయాగ్రాహకులు, గాయకులు - ఈ గొప్ప బృందం సహకారం ఎంతో ఉంది.

ముఖ్యంగా వేటూరి గారు సిరిసిరి మువ్వ, శంకరాభరణం చిత్రాలలో విశ్వ రూపం చూపారు. 

సప్తపది, శంకరాభరణం చిత్రాలలో  జంధ్యాల గారి సంభాషణలు చాలా గొప్పగా ఉంటాయి.

సంగీత సాహిత్య సమలంకృతే, దొరకునా ఇటువంటి సేవ, విరించినై విరచించితిని, ఆడవే మయూరీ, రావమ్మా మహాలక్ష్మీ, మావిచిగురు తినగానే, శివపూజకు చిగురించిన, ...  Immortal claasics.

విశ్వనాథ్ గారి పట్ల చలన చిత్ర పరిశ్రమ లో ఉన్న అందరికీ అపారమైన గౌరవం ఉంది. అది అభినందించదగ్గ విషయం. కళా తపస్వి అన్న పేరు విశ్వనాథ్ గారికి ఎంతైనా సార్థకం.

విశ్వనాథ్ గారి గొప్ప చిత్రాలను కొత్త తరానికి, రాబోయే తరాలకు కూడా అందించే ప్రయత్నం జరగాలి.

Fortunate to have been born in the same era of the legend K Vishwanath garu.🙏

మధుర గాయని వాణీ జయరామ్ గారు

వాణీ జయరామ్ గారికి 2023 సం. పద్మ భూషణ్ పురస్కారం ప్రకటించడం ఆనందం కలిగించింది.

70s 80s లలో వచ్చిన కన్నడం, తమిళం, తెలుగు, హిందీ చిత్రాలలో ఆమె అనేక అద్భుత గీతాలు పాడారు. 

అనేక భక్తి గీతాలు పాడారు.  ఇప్పటికీ పాడుతున్నారు.

కర్నాటక సంగీతం హిందుస్తానీ సంగీతం రెండింటిలోనూ శిక్షణ పొందారు వాణీ జయరామ్ గారు. ఆమె తొలినాళ్లలో స్టేట్ బ్యాంక్ ఉద్యోగిని గా పని చేస్తూనే సంగీత రంగంలో కూడా కృషి చేశారు.

1971 సం. లో వచ్చిన గుడ్డీ చిత్రం లోని ' బోలి రే పపిహరా ' వసంత్ దేశాయి సంగీతం లో పాడిన పాట అమిత ప్రాచుర్యం పొందింది. ఆమె భారత రత్న పండిట్ రవిశంకర్ గారి సంగీతం లో వచ్చిన మీరా చిత్రం లో ప్రధాన గాయని గా అద్భుతంగా పాడారు. ఒక దశలో హిందీ చిత్ర రంగం లో ఆమె లతా మంగేష్కర్, ఆశా భోంస్లే గారితో సమానంగా రాణిస్తారు అని భావించిన తరుణం లో కొన్ని కారణాల వల్ల హిందీ రంగం నుంచి దక్షిణాదికి వచ్చేశారు. 

తమిళంలో ఎమ్మెస్ విశ్వనాథన్ , కన్నడం లో ఎం. రంగారావు, విజయ భాస్కర్, రాజన్ నాగేంద్ర , తెలుగులో కే వీ మహదేవన్ గార్లు ఆమెను బాగా ప్రోత్సహించగా అనేక మరపురాని గీతాలు పాడారు. మలయాళం రంగంలో కూడా అనేక గీతాలు పాడారు.

తెలుగు వారికి ఆమె పాడిన ఎన్నెన్నో జన్మల బంధం నీదినాది  (పూజ 1975 - రాజన్ నాగేంద్ర) , పూజలు చేయ పూలు తెచ్చాను, నింగీ నేలా ఒకటాయెలే  పాటలు అంటే చాలా ఇష్టం.

ఈ సినిమా విడుదల అయిన రోజుల్లో సినిమా బండిలో ఎన్నెన్నో జన్మల బంధం పాట వినిపిస్తుంటే ఆ బండి వెనుకే మైమరచిపోయి వింటూ వెళ్లిన విషయం నాకు ఇప్పటికీ గుర్తు ఉంది. A song which is very dear to my heart.

70s 80s లలో అనంతపురం లో ధార్వాడ్ మత్తు గుల్బర్గా , బెంగుళూరు  స్టేషన్లు రేడియో లో  బాగా వచ్చేవి. అద్భుతమైన కన్నడ పాటలు ఎక్కువగా వినే అవకాశం ఉండేది. నిజం చెప్పాలంటే తెలుగు కంటే కన్నడం పాటలు నచ్చేవి. అప్పుడు రాజన్ నాగేంద్ర, ఎం. రంగారావు, విజయ భాస్కర్, ఉపేంద్ర కుమార్, సత్యం గార్ల సంగీతం లో ఎస్పీ బాలు, జానకి, రాజకుమార్ , వాణీ జయరామ్ గార్లు పాడిన పాటలు అద్భుతం గా ఉండేవి. అది ఒక స్వర్ణ యుగం.

కే విశ్వనాథ్ గారి  శంకరాభరణం, స్వాతి కిరణం, శృతి లయలు, స్వర్ణ కమలం  చిత్రాలలో వాణీ జయరామ్ గారు పాడిన పాటలు శాశ్వతం గా నిలిచి ఉంటాయి. శంకరాభరణం 1980, స్వాతి కిరణం 1991 చిత్రాలలోని పాటలకు జాతీయ ఉత్తమ గాయని అవార్డు అందుకున్నారు.  తొలిసారిగా అపూర్వ రాగంగళ్ 1975 చిత్రం లో జాతీయ ఉత్తమ గాయని అవార్డు అందుకున్నారు. 

శాస్త్రీయ సంగీత ఆధారిత గీతాలకు వాణీ జయరామ్ గారు పూర్తి న్యాయం చేయగలరు.

ఏ భాషలో పాడినా మాతృభాష లాగా అనిపించే స్పష్టమైన ఉచ్చారణ, మాధుర్యం, భావుకత తో పాడతారు. సుశీల గారు, జానకి గారు తరువాత వాణీ జయరాం గారు ఆ తరువాత చిత్ర గారు. వీరితో చలన చిత్ర సంగీత స్వర్ణయుగం ముగిసి పోయింది.

కన్నడం లో రాజ్ కుమార్ గారితో కవిరత్న కాళిదాసు చిత్రం లోని పాటలు అద్భుతం గా ఉంటాయి.

సదా కణ్ణలి ప్రణయదా కవితె హాడువే - ఎంత హాయి గొలిపే పాట. బృందావన సారంగ రాగం లో ఎం. రంగా రావు గారి సంగీతంలో రాజకుమార్ వాణీ జయరామ్ గార్లు అద్భుతం గా పాడారు. జయప్రద గారు ఎంత అందం గా ఉన్నారు.

మేఘమే మేగమే పాట (  1981 తమిళ చిత్రం లోనిది) వాణీ జయరామ్  గారు అద్భుతంగా పాడారు. ఇదే పాట తెలుగు చిత్రం మంచు పల్లకీ లో మేఘమా దేహమా - ఎస్ జానకి గారు అంతే గొప్పగా పాడారు. ఈ పాటకు ఒక ప్రసిద్ధ గాయకుడు పాడిన  గజల్ ఆధారం అని తెలుస్తుంది. 

Living legend వాణీ జయరామ్ గారు 🙏🙏🙏